कर्णाली पुलमे सवारी आवागमन खुला
पहुरा समाचारदाता
धनगढी, ५ चैत । कैलालीके चिसापानीस्थित कर्णाली पुलमे आजसे सवारी साधान आवागमन खुला खुला करल बा ।
गैल सोम्मार साँझ लाइटर बोकल ट्रकमे आगी लागेबर सामान्य क्षति हुइल उक्त पुल झण्डे एक अँठ्वारपाछे सञ्चालनमे आइल हो । लुम्बिनी ओ सुदूरपश्चिम प्रदेशहे जोर्ना चिसापानीस्थित कर्णाली पुलमा गाडी सञ्चालन करे मिल्ना नैमिल्ना कनाबारे प्राविधिक टोलीके अध्ययनपाछे मर्मत कैके सवारीसाधन सञ्चालनमे आइल हो ।
आगलागीसे पुलके बर्दिया ओरके भागमे क्षती पुगल रहे । सडकके पाप्रा उप्कल ओरसे एकओरके भाग मर्मतपाछे सवारीसाधन शुचारु करल हो ।
ओस्टके ट्रकमे लागल आगी पुलके केबलमे समेत लागलपाछे उ केबल(लठ्ठा)के मर्मत कार्य ओराइल ओरसे सवारीसाधन खुला करल सडक डिभिजन कार्यालय नेपालगञ्जके इन्जिनियर निरज शाक्य जानकारी डेलै ।
पुल बन्द हुइबर सुदूरपश्चिम प्रवेश करुइया ओ बाहर जैना गाडी हुलाकी राजमार्ग हुइटी चल्टी रहल बावै । गैल सोम्माारके दिनके वीरगञ्जसे महेन्द्रनगरओ अइटी रहल ना ५ ख ५२९७ नम्बरके ट्रक पुलमे चल्टी रहल बेला बेला एक्कासी आगलागी हुइल रहे ।
