अवैध भन्सार छलिके सामान बरामद

पहुरा समाचारदाता
धनगढी, ५ चैत । कैलाली ओ कञ्चनपुरके टमान ठाउँसे प्रहरी अवैध भन्सार छलिके सामान बरामद करले बा ।

कैलालीके धनगढी उपमहानगरपालिका–३ चौराहसे अवैंध रुपमे भारतसे भन्सार छलि करके नानल रु.२६ हजार ४९० बराबरके प्याज, चिनी, बिडी, मिठाई, साबुन, स्याम्पुलगायतके सामान, भजनी न.पा.८ कृष्णनगरसे रु.४० हजार बराबरके प्याज, चिनी, स्प्राईड ओ टिकापुर न.पा.९ जिरो प्वाईन्टसे रु.३८ हजार ५ सय बराबरके प्याज, प्लाष्टिकके जाली करके जम्मा रु.१ लाख ४ हजार ९९० बराबरके सामान प्रहरी गस्ती टोली बेवारिसे अवस्थामे फेला पारके आवश्यक प्रक्रिया पुरा करके नियन्त्रणमे लेहल हो ।

ओस्टेक करके कञ्चनपुर जिल्लाके भीमदत्त न.पा.११ चौकीसत्ता ओ दोधारा चाँदनी न.पा.८ जनज्योति टोल लग्गेसे अवैंध रुपमे भारतसे भन्सार छलि करके नानल रु.२४ हजार ५० बराबरके भिन्डी, मिर्चा, भाँटा, मटरा, कागती, होलीके रंङग, गाजरलगायतके सामान प्रहरी गस्ती टोली बेवारिसे अवस्थामे फेला पारके आवश्यक प्रक्रिया पुरा करके नियन्त्रणमे लेहल हो ।