धनगढीमे मुटु जाँच शिविर निम्जल

पहुरा समाचारदाता
धनगढी, १० चैत । धनगढी उपमहानगरपालिकामे नेपाल हृदयरोग निवारण प्रतिष्ठान कैलाली ओ लायन्स क्लव अफ धनगढी टाउनके संयुक्त आयोजनामे मुटु जाँच शिविर धनगढी वडा ५ तारानगरमे सम्पन्न हुइल बा ।

मुटु जाँच शिविरमे नेपाल हृदयरोग निवारण प्रतिष्ठान कैलाली ओ लायन्स क्लव अफ धनगढी टाउनके कार्य समिति पदाधिकारी २२ जाने जाँच कराइल लायन्स क्लव अफ धनगढी टाउनके अध्यक्ष प्रकास जोशी जानकारी डेलै ।

मुटु जाँच शिविरमे मुटुरोग विशेषज्ञ डा. चित्रराज शर्मा बिरामीहुकनहे चेक जाँच कैनाके साथे सक्कुहुनके इसिजी, इसिओ फे करल रहे । औपचारिक कार्यक्रमके सभापतित्व नेपाल हृदयरोग निवारण प्रतिष्ठान कैलालीके सभापति डा.कृष्णबहादुर बोहरा करल रहिट कलेसे कार्यक्रम सञ्चालन तथा स्वागत लायन्स क्लव अफ धनगढी टाउनके अध्यक्ष प्रकास जोशी करल रहिट ।