लैङिकतामे आधारित हिंसा तथा आत्मारक्षा सीप सम्बन्धी कार्यक्रम सम्पन्न

पहुरा समाचारदाता
सुखड, १० चैत । किशोरीहुकनके लाग लैङिकतामे आधारित हिंसा तथा आत्मारक्षा सीप सम्बन्धी कार्यक्रम सम्पन्न हुइल बा ।

वल्र्ड भिजन इन्टरनेश्नल नेपाल ओ बाल कल्याण संघ टिकापुरके सयुक्त साझेदारीमे संचालित एकीकृत बाल सरक्षण तथा सामुदायिक सहभागिता परियोजना अन्तर्गत घोडाघोडी नगरपालिका वडा नम्बर १ मे रहल श्री बिरात सनातन धर्म सस्कृती माध्यमिक विद्यालय घोडाघोडीमे १२ से १८ वर्ष उमेर समुहके २५ जानेक किशोरीहुकनके उपस्थितिमे कार्यक्रम हुइल हो ।

उ कार्यक्रममे किशोरीहुकनहे लैङिकतामे आधारित हिंसा कहल का हो ? यिहीसे बच्न उपाय का का हुइट कना विषयमे छलफल करैनाके साथे किशोरी उप्पर हुइना हिंसा रोकथाम कैना ओ कोई हिंसा करल खण्डमे अपन सुरक्षा अपनही करेक लाग स्वयम अपने ससक्त हुके सबसे सिहले अपन सुरक्षा अपनही कैना कना उदेश्यसे आत्मा रक्षा सीप सम्बन्धी कार्यक्रम बा ।

यी कार्यक्रम किशोरीहुकनके लाग कैगिल बा कलेसे यी कार्यक्रम घोडाघोडी, गौरीगङगा, टिकापुर, भजनी नगरपालिका ओ कैलारी गाउँपालिकाके परियोजना संचालन हुइल टमान वडामे रहल स्कुलमे संचालन हुइटी रहल परियोजनाके कार्यक्रम सयोजक सुगम रेग्मी जानकारी करैलै ।