पालिकामे संचालित टमान योजनाके अनुगमन

पहुरा समाचारदाता
हसुलिया, १५ चैत । पालिकास्तरीय अनुगमन समितिसे कैलारी गाउँपालिकाके टमान वडामे संचालित योजनाके अनुगमन कैगिल बा ।

पालिकास्तरीय अनुगमन समितिके संयोजक भगवतीकुमारी चौधरीके नेतृृत्वमे बुधके रोज स्थलगत अनुगमन कैगिल हो । कैलारी गाउँपालिका वडा नम्बर ५ के टमान टोलमे कैगिल सडक ग्राभेलके अनुगमन कैगिल बा । उ योजना सम्पन्न हुइल बा ।
अनुगमन समितिसे कैलारी गाउँपालिका वडा नम्बर ३ स्थित लोकबहादुर गुरुङके घरसे दुलीराम चौधरीके घरसम कैगिल ग्राभेल सडक निर्माणके अनुगमन कैगिल हो । उ योजनाके लाग ६ लाख बजेट विनियोजना कैगिल रहे । उ सम्पन्न हुइल बा ।

ओस्टेक करके मोहन्याल टोलमे १० लाख बजेटमे निर्माण हुइल कल्भर्ट ओ रामकुमार चौधरीके घर लग्गे १० लाख बजेटेम निर्माण हुइल कल्भर्ट निर्माणके पालिकास्तरीय अनुगमन समितिसे अनुगमन योजनाके अनुगमन कैगिल योजना शाखा प्रमुख सन्तोषकुमार चौधरी जनैलै ।

उ योजनाके अनुगमनमे पालिकास्तरीय अनुगमन समितिकके संयोजक भगवतीकुमारी चौधरी, कार्यपालिका सदस्य लालबहादुर विक, योजना शाखा प्रमुख सन्तोषकुमार चौधरी, प्राविधिक असिस्टेन्ट सबइन्जिनियर रविशंकर चौधरीलगायतके उपस्थिति रहे ।