फुला मैयाके म्यूजिक भिडियो शनिच्चर सार्वजनिक

पहुरा समाचारदाता
धनगढी, १६ चैत । ‘फुला मैयाके’ थारु म्युजिक भिडियो शनिच्चर सार्वजनिक हुइल बा ।

थारु म्युजिक भिडियो पहिल चो सलिमा हलमे प्रदर्शन हुके यूटयुव च्यानलसे सार्वजनिक हुई लागल हो । उ थारु म्यूजिक भिडियोके गायकमे गायक आरके थारु ओ समिक्षा चौधरी रहल बटै । उ गीतमे संगीत सुमन चौधरीके रहल बा । म्युजिक आरके थारु ओ अरेन्जरमे गणेश चौधरीके रहल बा ।

स्टुडियो ध्वनिक नेपाल क्यामेरा÷सम्पादक दया चौधरी, मुआ सानु कुश्मीके रहल बा । कलेसे निर्देशक आर्दश महतो रहल बटै । ममता चौधरी ओ फुलराम चौधरीके अभिनय रहल यी थारु म्युजिक भिडियो सेबिल इन्टरटेनमेन्टसे सार्वजनिक हुइना बा ।

यूटयुवमे सार्वजनिक हुइना आघे शनिच्चरके रोज धनगढीमे रहल एसटिएस सलिमा हलमे सकारे साढे आठ बजे प्रदर्शन हुइना राष्ट्रिय थारु कलाकार मंच प्रदेश ७ के कोषअध्यक्ष राजु चौधरी (राज) करल जनैलै । कलेसे प्रवेश निशुल्क रहल बा ।