कैलारीसे हिउँदे अधिवेशनसे आठ ठो विद्येयक पास

पहुरा समाचारदाता
हसुलिया, २२ चैत । कैलाली जिल्लाके कैलारी गाउँपालिकासे आर्थिक बर्ष २०८०÷०८१ के गाउँसभा अधिवेशन (हिउँदे÷विद्येयक)से भलमन्सा प्रणाली संरक्षण तथा विकास ऐन,२०७८ (पहिल संसोधन,२०८०)सहित आठ ठो विद्येयक पास करले बा ।

गाउँपालिकासे विफेक रोज हुइल हिउँदे अधिवेशनसे कैलारी गाउँपालिकासे भलमन्सा प्रणाली संरक्षण तथा विकास ऐन,२०७८ (पहिल संसोधन,२०८०)सहित आठ ठो विद्येयक पास करल बा ।

गाउँपालिका अध्यक्ष राजसमझ चौधरीक अध्यक्षतामे विफेक रोज हुइल हिउँदे तथा विद्येयक अधिवेशनसे उ विद्येयक सर्वसहमतिसे पास कैगिल हो । गाउँ पालिकाक विद्येयक अधिवेशनसे कैलारी गाउँपालिकाके वन जंगल तथा वातावरण संरक्षण ऐन,२०८०, कैलारी गाउँपालिकाम रहल तालतलैया संरक्षण तथा प्रवद्र्धन कार्यबिधि,२०८०, कैलारी गाउँपालिकाक बालश्रम नियमन उद्धार तथा व्यवस्थापन कार्यबिधि,२०८०, कैलारी गाउँपालिकाके एकीकृत बालविकास कार्यक्रम संचालन कार्यबिधि,२०८० पास करले बा ।

ओस्टेक करके सभासे कैलारी गाउँपालिकाके विपद जोखीम न्यूनीकरण तथा व्यवस्थापन ऐन,२०८०, कैलारी गाउँपालिकाक एम्बुलेन्स सेवा सञ्चालन निर्देशिका, २०८० ओ कैलारी सिकल सेल रोग÷थाईलेसिया÷एप्लाष्टिक एनिमिया न्यूनीकरण कार्यबिधि,२०७६ (पहिल संसोधन,२०८०) पास करल हो ।

हिउदे अधिवेशनमे गाउँपालिका उपाध्यक्ष भगवतीकुमारी चौधरी सभा अधिवेशनमे समसमायिक विषयमे सम्बोधन करल रही । उहाँ पास हुइलक विद्येयकहे कार्यान्वयन करे सेक्लेसे गाउँपालिकासे अइना दिनमे काम कैना बातावरण मजा बन्ना ओे उपलब्धी विल्गना बटैली ।

गाउँ सभाके अध्यक्षता तथा कैलारी गाउँपालिका अध्यक्ष राजसमझ चौधरी गाउँसभा अधिवेशनके आघेक बैठकमे गाउँसभा सदस्यहुकनके राखल धारणाहे सम्बोधन करले बटै ।

गाउँसभा सदस्य विजय चौधरीसे तालतलैयाके ठेक्का ओ सटर भाडाके बाँकी बक्यौदा रकम असुली करे पर्ना तथा कृषि मिटर जडानके लाग १० कठ्ठा जग्गा अनिवार्य हुईबेर कम जग्ग्गा रहल किसान सेवा बन्चित हुई अवस्था रहल कना धारणाके सन्र्दभमे तालतलैया ओ सटर भाडाके साथे व्यवस्थापन करल ठेक्काके रकम असुली प्रकृया तत्काल आघे बढाइक लाग सम्बन्धित समिति तथा प्रमुख प्रशासकीय अधिकृतहे अध्यक्षसे निर्देशन डेले बटै । ओस्टेक करके १० कठ्ठा जग्गा अनिवार्य हुईबेर कम जग्गा रहल किसान सेवासे बन्चित हुई पर्ना अवस्थाके निराकरणके लाग नेपाल सरकारके सम्बन्धित निकायमे पहल कैना जानकारी करैलै ।

गाउँसभा सदस्य सकुन्तला बखरियासे गैर सरकारी संघ संस्थाके कार्यक्रमम गाउँसभाके सदस्यहुकनके सहभागिता, गाउँसभाके सदस्यहुकनके मासिक बैंठकके नियमितता तथा पदाधिकारीहुकनके सेवा सुविधाके सन्र्दभमे गैर सरकारी संघ संस्थासे अपने सम्बन्धित विषयगत क्षेत्रके निश्चित पदाधिकारीहे केल बैंठकमे सहभागिताके लाग पत्राचार कैना हुइल ओरसे कुछ कुछ असहजता हुइलमे गाउँपालिकासे गैरसरकारी संघ संस्थाके बैंठकमे सहभागी कराईबेर सामानुपातिक आधारमे करैना सम्बन्धित बिषयगत क्षेत्रके समिति तथा शाखाहे निदिष्ट करले बटै । सदस्यहुकनके मासिक बैंठकके सन्र्दभमे कैलारी गाउँपालिकाके गाउँसभाके सदस्य नियमित मासिक बैंठक बैठके आवश्यक पृष्ठपोषण कैना अनुरोध करलै ।

पदाधिकारीहुकनके सेवा सुविधाके सन्र्दभमे स्थानीय तहके पदाधिकारीके सेवा सुविधा प्रदेश कानून बमोजिम हुइना ओरसे पालिकासे प्रत्यक्ष रुपमे सेवा सुविधामे विस्तार करेबेर सैद्धान्तिक रुपमे नइमिल्ना साथे गाउँपालिकाके आन्तरिक आय तथा वित्तीय हस्तान्तरणसे समेत प्रयाप्त मात्रामे बजेटके व्यवस्थापन नइहुके कुछ असहजता हुइल अवगत करैटी साझा प्रयाससे आन्तरिक आयमे अभिवृद्धि हुइलेसे सेवा सुविधा विस्तार कैना कार्यविधि, परामर्श तथा छलफल कैना अध्यक्ष बटैलै ।
गाउँसभा सदस्य लक्ष्मी चौधरीसे घुराहा पुलके मर्मत, अन्य पालिकाके असल प्रयासहे संस्थागत कैना नदी नियन्त्रण तथा विपद व्यवस्थापन, निःशुल्क निस्सा वितरणके सन्र्दभमे राखल धारणाके सन्र्दभमे घुराहा पुलके मर्मत गाउँपालिका बजेटसे सम्भव नइहुइना तथा ओकर मर्मतके लाग प्रदेश सरकारके मुख्यमन्त्री लगायत अन्य मन्त्रीहे स्थलगत अनुगमन कराइलमे मर्मतके आश्वासन समेत प्राप्त हुइल मने हालसमफे मर्मत नइहुइल ओरसे नेपाल सरकारके सम्बन्धित निकायमे पहल हुइटी रहल जानकारी करैटी नदी नियन्त्रण तथा विपद व्यवस्थापनके सन्र्दभमे गाउँपालिकासे समेत श्रोत साधन अनुसारके कार्यक्रम संचालन हुइटी रहल तथा अन्य निकायसंग समेत समन्वय तथा सहकार्य हुइटी रहल जानकारी करैलै । ओस्टेक करके निःशुल्क निस्सा वितरणके सन्र्दभमे लगत संकलन करेबेर स्थानीय नागरिकसे १० वर्षके मालपोत भुमिकर लेहल ओरसे दोहोरो आर्थिक भारसे बचैना निःशुल्क वितरण करल जानकारी करैलै ।
गाउँसभा सदस्य हरीद्धारी चौधरीसे दलित, सुकुम्बासी तथा विपन्नके लाग विशेष बजेटके व्यवस्थापन, झल्लारी बाँधके ढोका निर्माणके सन्र्दभमे राख्ल धारणाके सन्र्दभमे दलित, सुकुम्बासी तथा विपन्नके मागके सन्र्दभमे लक्षित वर्गके लाग बजेटके व्यवस्थापन तथा कार्यक्रमके तर्जुमा वडा स्तरसे हुइना ओरसे सम्बन्धित लक्षित वर्ग भिटरकेफे लक्षित व्यक्तिके पहिचान करके कार्यक्रम वडा स्तरसे छनौट करे पर्ना बटैलै । झल्लारी बाँधके ढोका निर्माणके लाग प्रदेश तथा संघीय सरकारसंग समन्वय कैना जानकारी करैलै ।
गाउँसभा सदस्य भागुदास चौधरीसे कृषि लाईन विस्तारमे ढिलाई, वडाके डल्लो बजेटमे पालिकाके हस्तक्षेप, कैलारी गाउँपालिकामे बहुमुखी क्याम्पस स्थापना तथा योजना कार्यान्वयनमे ढिला सुस्ती करुइयाहे कारवाही करे पर्ना धारणाके सन्र्दभमे विद्युतलाईन विस्तारके लाग नेपाल बिद्युत प्राधिकरणसंग समन्वय करलमे विविध कारणवस योजना कार्यान्वयन हुई नइसेकल तथा चालु आर्थिक बर्षमे समेत समन्वय हुइटी रहल अवगत कराई चाहल बटैलै । वडाके लाग विनियोजित बजेटके बाडफाडके सक्कु अधिकार वडा समितिहे रहल ओरसे गाउँपालिकासे हस्तक्षेप नइकरल बटैलै ।
कैलारी गाउँपालिकामे बहुमुखी क्याम्पस स्थापनाके सन्र्दभमे हालके कुछ बर्षयहोर विश्व बिद्यालयसे सम्वन्धन प्राप्तीमे कठिनाई हुइलमे टमान निकायसंंग समन्वय तथा छलफल हुइटी रहल जनैलै

गाउँसभा सदस्य धन बहादुर रानासे वडा समितिके बैठकमे सहभागीता, निर्णयके जानकारी तथा वडा सदस्यके क्षमता विकासके सन्र्दभमे राखल धारणाके सन्र्दभमे वडा समितिके बैंठकमे सहभागिता तथा निर्णयके जानकारीके सम्बन्धमे सक्कु जाने आ अपन कर्तव्य तथा जिम्मेवारीके बारेमे प्रष्ट हुई पर्ना स्थानीय सरकार संचालन ऐन लगायतके अन्य नियम कानून तथा कार्यविधिके अध्ययन कैनाके साथे सुशासन प्रवद्र्धन, आपसी समन्वय, समझदारी तथा जनमैत्री सेवाके प्रवाहमे सक्कु जाने लागे पर्ना बटैलै ।

गाउँसभा सदस्य मोहन चौधरीसे आन्तरिक आयके संकलन, तालतलैयाके व्यवस्थापन, धार्मिक तथा पर्यटकीय क्षेत्रके सरफाई तथा पर्यटन प्रवद्र्धनके सन्र्दभमे राखल धारणाके सन्र्दभमे कैलारी गाउँपालिकाके आन्तरिक आयके अभिवृद्धिके लाग अइना आ.व. से करके थप दायराके पहिचान कैनाके साथे व्यवस्थापन करल ठेक्का रकम असुलीके लाग कार्ययोजना बनाके संकलन कैना ओ तालतलैयाके व्यवस्थापन सन्र्दभमे कार्यविधिके निर्माण करल, कोईलही लगायतके तालके स्वामित्व गाउँपालिकामे हस्तान्तरण करल जानकारी करैलै । पर्यटकीय क्षेत्रके सरसफाई तथा पर्यटन प्रवद्र्धनके लाग स्थानीय समुदाय तथा नेपाल सरकार, प्रदेश सरकार तथा विकास साझेदारसंग समन्वय तथा सहकार्य कैना जानकारी करैलै ।

गाउँसभा सदस्य तुलसी प्रसाद चौधरीसे विद्येयक अनुसारके कार्यक्रम तर्जुमा करे पर्ना कना धारणाके सन्र्दभमे अइना आ.व. के लाग वडास्तरसे योजनाके प्रथमिकिरण तथा पालिकासे योजना तथा कार्यक्रमके तर्जुमा करेबेर गाउँपालिकाके नागरिकके सर्वोत्तम हितहे ध्यान राखके बनल कार्यविधि अनुसारके कार्यक्रमके तर्जुमा करेक लाग सम्बन्धित बिषयगत समिति तथा बजेट तथा कार्यक्रम तर्जुमा समितिहे निर्दिष्ट करले बटै ।
गाउँसभा सदस्य अनारकली चौधरीसे डुवान नियन्त्रण, हुलाकी सडकसे करल क्षति, विकास निर्माण लगायत राखल धारणाके सन्र्दभमे विपद व्यवस्थापन तथा डुवान नियन्त्रणके लाग पालिकासे प्राथमिकताके आधारमे योजना कार्यान्वयन हुइटी रहल जनैलै ।

गाउँसभा सदस्य आशिक चौधरीसे टमान कार्यक्रममे वडा सदस्यहुकनके सहभागिता, वडा सदस्यहुकनके क्षमता विकास, योजना कार्यान्वयनमे ढिलासूस्ती, घुराहा पुलके मर्मत, पदाधिकारीके सेवा सुविधा, अधुरा तथा क्रमागत योजनाके कार्यान्वयन, कानूनी सचेतना, जनगुनासोके व्यवस्थापन, सुशासनके प्रत्याभुती, आन्तरिक आयके अभिवृद्धि तथा वेरुजुके व्यवस्थापनके बिषयमे राखल धारणाके सन्र्दभमे वडा सदस्यके सहभागिता, घुराहा पुलके मर्मत, पदाधिकारीके सेवा सुविधा, आन्तरिक आयके अभिबृद्धि तथा बेरुजु व्यवस्थापनके बिषयमे अन्य सदस्यसे समेत उत्थान हुइलमे यी सम्बन्धमे प्रष्ट हुसेकल जानकारी करैले बटै ।

गाउँसभा सदस्य सुनिलादेवी चौधरीसे गाउँसभाके सदस्यहुकनके े अध्ययन अवलोकन भ्रमण, शैक्षिक सुधारसहित अन्य सदस्यसे उत्थान हुइल विषयके सम्बन्धमे राखल धारणाके सन्र्दभमे शैक्षिक गुणस्तर सुधार तथा गुणस्तरीय शिक्षाके संस्थागत विकास करेक लाग सम्बन्धित सरोकारवाहे निर्देशन डेटी, विद्यालयके सघन अनुगमन, श्रोत साधन ओ समस्या तथा चुनौतीके व्यवस्थापन कैना बटैलै ।

गाउँसभाके सदस्य सुन्दरी देवी चौधरी तथा टिका कुमारी चौधरी (भुल) से समेत गाउँसभाके सभा अधिबेशनमे महत्वपूर्ण धारणा व्यक्त हुइलमे उहाँसे व्यक्त करल धारणा तथा उत्थान करल अधिकाँश सवाल सम्बोधन हुसेकल जानकारी करैटी गाउँपालिकाके दिगो आर्थिक व्यवस्थापन तथा पालिकामे स्तनपान कक्षके स्थापनाके सन्र्दभमे गाउँपालिकाके दिगो आर्थिक व्यवस्थापनके लाग खर्चमे कटौती तथा मित्तव्ययीताहे प्राथमिकता डेहे पर्ना तथा असुली प्रकृयाहे प्राथमिकतामे रख्ना ओ आन्तरिक आयके अभिवृद्धिके लाग करके थप दायराके पहिचान तथा राजश्व असुली प्रकृयाहे कार्ययोजना बनाके ओकर आधारमे कार्य संचालन कैना सम्बन्धित सरोकारवालाहे निर्देशन डेलै ।

कैलारी गाउँपालिकाके हिउँदे अधिवेशनके टिसरा सभा अधिवेशन बैंठकमे वन वातावरण तथा विपद व्यवस्थापन समितिके संयोजक ठागुराम चौधरी, सामाजिक विकास समितिके संयोजक सन्तराम चौधरी, पूर्वाधार विकास समितिक संयोजक प्रेमबहादुर चौधरी, आर्थिक विकास समितिके संयोजक बिष्णुप्रसाद चौधरी ओे सुशासन तथा संस्थागत विकास समितिके संयोजक दिपेन्द्रबहादुर बमसे समेट विद्येयक मस्यौदामे महत्वपूर्ण सुझाव प्रदान करलमे सम्बन्धित बिषयगत समितिसंग सम्बन्धित बिषयके बारेमे कहाई रालमे सक्कु विषयगत समितिके संयोजकहुकनहे धन्यवाद डेलै ।

हिउँद अधिवेशनमे सभा सदस्यहुक्रे, गाउँपालिकाके प्रमुख प्रशासकीय अधिकृत लक्ष्मीदत्त भट्ट, टमान शाखाक प्रमुखहुकनके उपस्थिति रहे ।