चैतन्य आदर्श अभिभावक उत्प्रेरणा कार्यक्रम
पहुरा समाचारदाता
धनगढी २५ चैत । धनगढीमे रहल चैतन्य पाठशाला स्कुलसे चैतन्य आदर्श अभिभावक उत्प्रेरणा कार्यक्रम करले बा । अब्बे आधुनिक शिक्षा, ओ २१ औं शताब्दीमे अभिभावककत्व कना मुल नाराके साथ पाठशालासे आदर्श अभिभावक उत्प्रेरणा कार्यक्रम करल हो ।
कार्यक्रममे बरका पहुना प्रा. डा. हेमराज पन्त अब्बे २१ औं शताब्दीमे हम्रे आइबेर आजके समाज हम्रे चाहठी मजा परिवार, समाज, राष्ट्र, हुडेलेसे मने हम्रे काम नइकरठी यी समाज परिवार राष्ट्र निर्माण पहिचान युक्त मजा समाज चाहठु कलेसे हम्रे अपनसे अपन घरसे सरु करे पर्ना उहाँ बटैलै ।
चैतन्य पाठशाला प्रअ कटकबहादुर सिहं धनगढीमे और विद्यालयसे ज्ञान, सीप डेहल बा । जौन शुल्कमे पढन पाठन, कम शुल्कमे शिक्षा दिक्षा डेहल बा उहीसे मजा गुणस्तर चैतन्य पाठशालासे डेहल बटैलै ।
पाठशालाके अध्यक्ष गणेश प्रसाद जोशी आजके एक बालक विश्व बजारमे विश्व समाजमे काल्हके दिनमे प्रतिस्पर्धा करे सेकी की नइसेकी उ चिन्तन भिजन लेके चैत्नय पाठशाला परिवार टिसरा नागरिक उत्पादन कैना ओर लागल बटैलै ।
चैतन्य आदर्श अभिभावक उत्प्रेरणा कार्यक्रममे चैतन्य पाठशालाके पिटिए अध्यक्ष ईश्वर गिरीके अध्यक्षतामे हुइल कार्यक्रममे कैलाली बहुमुखी क्याम्पसका सह प्रध्यापक सिताराम भट्ट, पिटिय सदस्य गोरख खाती, पिटिय सदस्य मिनबहादुर ऐडी, सामाजिक अभियान्ता भीम कडाल, शिक्षक, पदम खड्का, शिक्षक, पत्रकार, अभिभावक, विद्यार्थीलगायतके उपस्थिति रहे कलेसे कार्यक्रमके सञ्चालन पाठशालाके शिक्षिका हेमा जोशी करल रहिट ।
