नेपालसे गुजरात १८ रनसे पराजित

पहुरा समाचारदाता
धनगढी, २५ चैत । नेपालसे भारतमे फ्रेण्डसीप कप टी–२० क्रिकेटके उपाधि जिट््ले बा । अँट्वारके हुइल फाइनलमेनेपालसे गुजरातहे १८ रनसे पराजित करल हो । १७७ रनके लक्ष्यमे जवाफी ब्याटिङ करल गुजरात निर्धारित ओभरमे ८ विकेट गुमाके १५८ रन किल बनाइ सेकल रहे ।

नेपालके लाग अभिनाश बोहरा ३ ओ दीपेन्द्र सिंह ऐरी २ विकेट लेहल रहिट ।पहिले ब्याटिङकरलनेपाल पूरै ओभर खेलके ४ विकेटके क्षतिमे १७६ रन बनाइल रहे । नेपालके लाग रोहित कुमार पौडेल अर्धशतकीय पारी खेलल् रहिट । कप्तान रोहित कुमार पौडेल ७४ रन बनाइल रहिट । उहाँ ४७ बलमे ५ चौकाओ ४ छक्का प्रहार करल रहिट । रोहित ३३ बलमे ५० रन पुरा करल रहिट । उ क्रममे उहाँ ३ छक्का ओ २ चौका प्रहार करल रहिट ।

आसिफ शेख ३४, कुशल भूर्तेल १९ ओ दीपेन्द्र सिंह ऐरी ७ रन बनाइल रहिट । कुशल मल्ल ३१ रन ओ सन्दीप जोरा ७ रनमे अविजित रहल रहिट । गुजरातके लाग शेन पटेल ओ तेजस पटेल १–१ विकेट लेहल रहिट । बरोडा भर लिग चरणमे रुकल रहे । क्याप्टेन रोहित पौडेलसहितके सिनियर खेलाडीहे आराम डेहल बरोडासँगके लिग चरणके अन्तिम खेलमे भर नेपाल पराजित हुइल रहे ।