सुदूरपश्चिममे स्वास्थ्य विमित संख्या ५ लाख ५६ हजार ३५९

सेवा प्रभावकारी बनैना ओ सेवा प्रदायकसे समन्वय कैना आग्रह

पहुरा समाचारदाता
धनगढी, २६ चैत । सुदूरपश्चिम प्रदेशके नौ जिल्लामे स्वास्थ्य विमा करुइयाके संख्या ५ लाख ५६ हजार ३५९ जाने रहल स्वास्थ्य वीमा बोर्ड सुदूरपश्चिम प्रदेश कार्यालय धनगढी जनैले बा ।

अँटवारके रोज धनगढीमे हुइल आठौं स्वास्थ्य वीमा वार्षिकोत्सव कार्यक्रममे स्वास्थ्य वीमा बोर्ड सुदूरपश्चिम प्रदेश कार्यालय धनगढीके प्रमुख रमेन्द्र्र प्रसाद कुश्वाहा २ लाख ९३ हजार ६९३ महिला, २ लाख ६२ हजार ६५६ पुरुष ओ १० जाने अन्य करके ५ लाख ५६ हजार ३५९ जाने वीमा करल जानकारी कराइल बटैलै ।

ओम्नेसे अति गरिब वीमित जनसंख्या १ लाख ७४ हजार ८६८ जाने, जेष्ठ नागरिक विमित संख्या ९० हजार ४९७ जाने, एचआइभी संक्रमित विमित संख्या ७ हजार ६३४ जाने रहल उहाँ जनैलैं । ओस्टेक करके अति अशक्त अपाङता विमित ७ हजार ९५९ जाने, कुष्ठरोग विमित ९ सय ८, क्षयरोगी विमित संख्या ६८७ जाने ओ महिला स्वास्थ्य स्वय सेविका विमित संख्या २५ हजार ३३० जाने रहल प्रमुख कुश्वाहा जनैलै ।

२०७२ साल चैत २५ गते कैलालीसे सुरुवाट हुइल स्वास्थ्य विमा कार्यक्रम अब्बे ७ सय ५३ स्थानीय तहमे लागु हुइल बा । मने विमा करसेकलपाछे नविकरण नइकरल डेख जैटी रहल बा । जिल्लागत तथ्याङक हेरेबेर विमा करलसेकलपाछे शत प्रतिशत नविकरण करल कौनो जिल्लाफे नइहो । विमा करसेकलपाछे विमितहुक्रे सेवा प्रदायक संस्थासे गुणस्तरीय सेवा प्रदान नइहुइना, विमारीहुकनहे हुइना व्यवहार, सेवा पैनामे ढिलाईके कारण ओ सेवाबारे जानकारी नइपैना ओरसे नविकरण नइहुइना ओ लौवा विमित नइथप्ना जनगुनासा आइल बा ।

कैलाली जिल्लामे विमित संख्या २ लाख ८६ हजार ५६० जाने विमित रहल ७९ हजार ४३१ परिवार विमा करलैले बटै । जेम्नेसे ४९ हजार ५३४ घरपरिवार नविकरण करले बटै । विमा करसेकलपाछे नविकरण करुइयाके परिवारके संख्या ६२ प्रतिशत केल हो ।

कञ्चनपुरमे २७ हजा ८७७ परिवार विमा करलमे नविकरण २० हजार १२३ परिवार, डोटीमे ७ हजार ५०३ घरपरिवार विमा कराइलमे नविकरण भर ४ हजार २७७ घर परिवार(५७ प्रतिशत), दार्चुलामे ६ हजार ६४३ घर परिवार विमा कराइलमे ४ हजार १३६ घरपविार केल नविकरण करले बा । उ चाही ६२ प्रतिशत केल हो । डडेल्धुरामे ८ हजार ९५० घरपरिवार विमा कराइलमे नविकरण भर ६ हजार ४६ परिवार (६८ प्रतिशत) रहल बटै ।

ओस्टेक करके बाजुरामे ८ हजार २२६ घरपरिवार विमा कराइलमे नविकरण २ हजार ९९२ घरपरिवार(३६.३७ प्रतिशत), बझाङमे ११ हजार ८९ घरपरिवार विमा करलमे नविकरण घरपरिवार संख्या ६ हजार २०२(५६ प्रतिशत) रहल बा । बैतडीमे १२ हजार ७४३ घर परिवार विमा करलमे नविकरणभर ८ हजार ५२३ घरपरिवार(६७ प्रतिशचत) ओ अछाममे १७ हजार ९८७ घरपरिवार विमा कराइलमे नविकरणभर १० हजार १३६ घरपरिवार केल रहल बोर्डके प्रदेश प्रमुख कुश्वाहा जानकारी डेलै ।

उहाँ समाधानके लाग विमा बोडैसे टमान प्रयास करल बटैलै । बोर्डके स्थायी संरचना स्वीकृतीके प्रक्रिया आघे बह्रल, समय समयममे सेवा प्रदायक स्वास्थ्य संस्थाके अनुगमन तथा सुपरिबेक्षणके अनुशिक्षण कार्य हुइटी रहल, प्रेषण (रेफर) प्रक्रियाके कार्यविधि बनके लाग हुसेकल (एक्के रोगके लाग फलोअपमे बोलाइल खण्डमे बारम्बार प्रेषण लेहे नइपर्ना), सह–भुक्तानी कार्यविधि बनके लागु हुसेकल २५ शैयासे उप्परके सरकारी सरकारी अस्पताल ओ नीजि तथा सामुदायिक अस्पतालमे १०प्रतिशत सह–भुक्तानी लागु हुसेकल बा ।

२०८१ बैशाख १ गतेसे १५ शैया उप्परके सरकारी अस्पतालहे १० प्रतिशत ओ नीजि तथा सामुदायिक अस्पतालमे २०प्रतिशत सह–भुक्तानी लागु हुइना कहल बा । लक्षित वर्ग ओ इमर्जेन्सी सेवामे सह–भुक्तानी लागु नइहुइना, दीर्घ रोगीहे ढेरमे ३ महिनासमके लाग औषधी उपलब्ध हुई सेक्ना व्यवस्था करल, दाबी व्यवस्थापनहे प्रभावकारी बनाइक लाग सुविधाके थैली अद्याबधिक कार्य प्रारम्भके साथे दाबी परीक्षण कैना जनशक्ति थप करल बा । आर्वेद तथा बैकल्पिक चिकित्सा सेवाके लाग तयारी हुइटी रहल बा  ।

ओस्टेक करके उहाँ स्वास्थ्य विमाके प्रमुख समस्यामे प्रथम सेवा बिन्दुके अभावमे स्वास्थ्य बीमा कार्यक्रम प्रभावकारी हुई नइसेकल बटैलै । अस्पतालके फार्मेसी प्रभावकारी रुपमे सञ्चालन हुई नइसेक्के यी सम्बन्धी बारम्बार बीमितसे कार्यक्रम प्रति शिकायत प्राप्त हुइना करल, हालसमफे बोर्डके स्थायी संरचना स्वीकृत हुई नइसेकल, औपचारिक क्षेत्रहे बीमा कार्यक्रममे आबद्ध हुई नइसेकल, अनावश्यक रुपमे प्रेषण हुइना करल, अति विपन्न परिवारहे बीमाके दायरा भिटर नाने नइसेक हो । समयमै दाबी परीक्षण गरी शोधभर्ना गर्न कठिनाई । सेवाग्राहीसे सहजे सेवा नइपैना कना गुनासो आइलफे बोर्डके प्रमुख कुश्वाहा बटैलै ।

सुदूरपश्चिम प्रदेश सामाजिक विकास मन्त्रालय स्वास्थ्य निर्देशनालयके महाशाखा प्रमुख नरेन्द्र सिंह कार्कीके बरका पहुनामे हुइल कार्यक्रममे उहाँ स्वास्थ्य विमा करसेकलपाछे सरकारी हो नीजि हो जौनफे ठाउँसे सहजे सेवा लेहे सेक्ना व्यवस्था मिलैना जरुरी रहल बटैलै । सेवा प्रवाहके निरन्तर अनुगमन कैना सेवा प्रदान नइकैना संस्था सिज कैना मेरिक व्यवस्था लाग करे पर्ना नीति नन्ना बटैलै ।

राष्ट्रिय स्वास्थ्य आयूर्वेद चिकित्सलयके रामेश्वर ठाकुर, सेती प्रादेशिक अस्पतालके स्वास्थ्य विमा शाखाके फोकल पर्सन श्रीराम चौधरी, गेटा आँखा अस्पालके प्रमुख प्रशासक गोविन्द प्रसाद जोशी, सामाजिक विकास मन्त्रालयके शिक्षा शाखा प्रमुख हेमराज खडका, नेपाल पत्रकार महासंघ कैलालीके सचिव प्रेम चौधरी, राष्ट्रिय अपाङ महासंघ प्रदेश सचिव नरदिप धामीलगायत मन्तव्य राखल रहिट । कार्यक्रमके संचालन विमा बोर्डके दर्ता अधिकारी गोविन्दराज ओझा करल रहिट ।

यी कार्यक्रममे सहभागी हुइना ५ जानेसमके परिवारसे वार्षिक रूपमे प्रतिपरिवार रु.३५०० योगदान रकम तिरे परठ । ५ जाने ढेर सदस्य हुइलेसे प्रतिसदस्य ७०० के दरसे थप योगदान रकम तिरे परठ । मने परिवारमे ५ जनासे कम सदस्य हुइलेसेफे तिरे पर्ना योगदान रकम नइघटठ । सदस्यता दर्ता हुइना समयमे एकमुष्ट रकम तिरे परठ । पाँच जाने परिवार रहुइयामे एक जाने १ लाख २० हजार समके निशुल्क औषधी, ओम्ने एक जाने ठप्टी गैलेसे ६ जाने रहलेसे १ लाख ४० हजार ओ ७ जाने रहलेसे २ लाख बराबरके औषधी निशुल्क करे सेक्ना व्यवस्था करल बा । स्वास्थ्य विमा प्रत्येक बरस नविकरण करे पर्ना रहठ ।