चैतन्यसे सुसासन दिगो विकास ओ समृद्ध सुदूरपश्चिम विषयक प्रादेशिक सम्मेलन कैना

पहुरा समाचारदाता
धनगढी, २७ चैत । धनगढीमे रहल चैतन्य पाठशालासे सुसासन दिगो विकास ओ समृद्ध सुदूरपश्चिम विषयक प्रादेशिक सम्मेलन २०८० कैना हुइल बा ।

पाठशालाके आयोजनामे हुइ लागल प्रादेशिक सम्मेलन चैत्र २८ गते चैतन्य पाठशालामे हुइना बा । उहे सम्मेलनमे धनगढी उपमहानगरपालिका मेयर गोपाल हमाल, समृद्ध सुदूरपश्चिम बिषयमे १०.३० से ११.१५ बजेसम प्रमुख बक्ताके रुपमे रहिही कलेसे उमेश प्रसाद मैनाली पूर्व अध्यक्ष लोक सेवा आयोग ११.१५ बजेसे १२.१५ सम विषय राजनीति, प्रसासन, सुसासन, प्रमुख बक्ताके रुपमे रहना जनागिल बा ।

ओस्टेक करके डा. हरि लम्साल, प्रमुख सचिव सु. प. प्रदेश सरकार विषय दिगो विकास लक्ष्य विषयमे १२.३० से १.३० बजे सम प्रमुख वक्ताके रुपमे रहिही । म्यानलिस्टमे डा. ताराप्रसाद जोशी, धर्मराज पाठक, सुशील मिश्र भट्ट, खडकराज जोशी, हेमराज पन्त, पुस्करराज ओझा, रामलाल जोसी, ठाकुर करिया प्रधान, लगायतके उपस्थिति रहना बा । चैतन्यसे हाल विगतके दिनमे सुशासन दिगो विकास ओ समृद्ध विषयमे विगतके दिनमेफे काठमाडौफे सम्मेलन करल रहे । कलेसे अब्बे हाल पाठशालासे यैसिन कार्यक्रम करटी आइल चैतन्य पाठशालाके अध्क्षय गणेश प्रसाद जोशी बटैलै ।