धनगढी उपमहानगरपालिका विरुद्ध उच्च अदालतमे दायर रिट खारेज

पहुरा समाचारदाता
धनगढी, ७ बैशाख । धनगढी उपमहानगरपालिका विरुद्ध उच्च अदालत दिपायलमे दायर रिट खारेज हुइल बा ।

धनगढी–३ केदार टोल जैना सडक चौडा करे नइपरल कहटी स्थानीय नन्दा भट्टसहित २७ जाने सडक चौडा कैना काम रोक्न अन्तरिम आदेश माग करटी उच्च अदालत दिपायलमे रिट दर्ता करल रहिट । बिफे रोज हुइल सुनुवाइमे निवेदक २७ जानेक माग खारेज करटी उच्च अदालत दिपायलसे उपमहानगरपालिकाहे सडक निर्माण कैना डगर खोल डेहल बा ।

केदार टोल जैना सडक १४ मिटर चौडा कैना सडक क्षेत्राधिकार छोरना उपमहानगरपालिकासे सूचना जारी करलपाछे स्थानीय २७ जाने अन्तरिम आदेशके माग करटी उच्च अदालत पुगल रहिट । बिफेक रोज हुइल बहसमे धनगढी उपमहानगरपालिकाके ओरसे कानून अधिकृत खडक कुन्जेडासे बहस करल रहिट कलेसे रिटकर्ताके ओरसे अधिवक्ता गम्भीरसिंह ऐरी तथा कर्णबहादुर महरा बहस करल रहिट ।

उच्च अदालत दिपायसे रिट खारेज करलपाछे उपमहानगरपालिकाहे सडक निर्माण कैना डगर खुलल बा ।
त्जग