मनोसमाजिक सहयोग सम्बन्धी अभिमुखिकरण कार्यक्रम
पहुरा समाचारदाता
टीकापुर, ७ बैशाख । एकीकृत बाल सरक्षण तथा सामुदायिक सहभागिता परियोजना अन्तर्गत अभिभावकहुकनहे सामुदायमे आधारित मनोसमाजिक सहयोग सम्बन्धी अभिमुखिकरण कार्यक्रम हुइल बा ।
वल्र्ड भिजन इन्टरनेनल नेपाल ओ बाल कल्याण संघ टिकापुरके सयुक्त साझेदारीमे संचालित एकीकृत बाल सरक्षण तथा सामुदायिक सहभागिता परियोजना अन्तर्गत टीकापुर नगरपालिका–८ के जितु कटेजमे शुकके रोज परियोजनामे दर्ता हुइल बालबालिकाहुकनके २१ जाने अभिभावकहुकनहे समुदायमे आधारित मनोसमाजिक सहयोग सम्बन्ध अभिमुखिकरण कार्यक्रम सम्पन्न हुइल हो ।
टमान कारणसे दिन प्रतिदिन मनोसमजिक समस्या बह्रटी गैल ओ जेकर कारण शारीरिक, मानसिक, भावनात्मक ओ पारिवारिक सम्बन्धमे असर परटी रहल बेला परिवारमे झैझगडा, कलह ओ मेलमिलाप नइहुइल कारण बालबालिकामे प्रभाव परके विद्यालय छोडन, बाल विवाह, लागु पदार्थके प्रयोग ओ आत्माहत्या करुइयाके संख्या बालबालिकामे अत्यधिक डेखा परल कारणसे ओसिन घट्ना न्यूनीकरण करेक लाग अभिभावकहुकनहे क्षमता अभिवृद्धि करेक लाग कार्यंक्रम कैगिल बा ।
मनोसमाजिकके अवधरणा, मनोसामजिक समस्या हुइना कारण, ओ मनोसमाजिक समस्यासे बालबालिकामे पर्ना असर तथा प्रभाव, मनोसमाजिक समस्यामे परल बालबालिकाहुकनके पहिचान ओ समस्यामे परल बालबालिकाहुक्रे डेखैना लक्षण, स्वभाव ओ ओसिन समस्या परल बालबालिकाहे कैना मनोसमाजिक स्याहार कैना सीप ओ मनोपरामर्शके लाग केश हस्तान्तरण कैना सिफारिस प्रणाली ओ प्रक्रियाबारे अभिभावकके भुमिका ओ महत्वबारे जानकारी करैना उद्देश्यके साथ कार्यक्रमके आयोजना करल ओ उ कार्यक्रमहे बालकल्याण संघ टीकापुरके मनोपरामर्श कर्ता बिष्णा चौधरी सहजीकरण करल रहिट ।
