टिभिएस अपाचे बाइकके नयाँ मोडल ‘आरटीआर १६०–टूभी रिफ्रेस’ सार्वजनिक
पहुरा समाचारदाता
धनगढी, ११ वैशाख । धनगढीके लाग टिभिएसके आधिकारिक बिक्रेता बागेश्वरी अटोमोटिभ्ससे मंगरके रोज अपाचे बाइकके नयाँ मोडल ‘अपाचे आरटीआर १६०–टूभी रिफ्रेस’ सार्वजनिक करले बा ।
टिभिएस मोटर्स नेपालके एक ठो केल आधिकारिक बिक्रेता जगदम्बा मोटर्ससे सार्वजनिक करल टिभिएस अपाचे बाइकके नयाँ मोडल अपाचे आरटीआर १६०–टूभी रिफ्रेस धनगढीमेफे एक कार्यक्रकके आयोजना करटी बिक्रीके लाग सार्वजनिक करल हो ।
जिल्ला ट्राफिक प्रहरी कार्यालय कैलालीके निमित्त ट्राफिक प्रमुख बरिष्ठ प्रहरी नायव निरीक्षक (सई) शिद्धिगणेश शाह ओ नेपाल पत्रकार महासंघ कैलालीके अध्यक्ष हिमालय जोशी संयुक्त रुपमे मोटरसाइकलके कभर उघारके सार्वजनिक करल हुइट ।
बजारके माग ओ युवाहु्कनके चाहना अनुरुप कम्पनी टिभिएस अपाचे आरटीआर १६०–टूभी रिफ्रेसमे कम्पनी टमान फिचर थप करले बा । टिभिएस अपाचे आरटीआर १६० टू भी रिफ्रेसमे १६० सीसी आरटीआर इन्जिन रहल बा । जिहीसे सेग्मेन्टके उच्चतम १४.४ पीएस पावर ओ १३ एनएम टर्क जेनेरेट करठ ।
टिभिएस स्मार्टकनेक्ट जेकर सहायतासे राईडरहुक्रे सहजुले कल तथा टेक्स्ट नोटिफीकेसन जैसिन सुविधाके प्रयोग करे पैही । साथे रेस इन्स्पायर्ड डिजिटल डिस्प्ले, आकर्षक एलईडी हेडल्याम्प ओ सिग्नेचर एलईडी टेल ल्याम्पसे मोटरसाइकल सुसज्जित रहल बागेश्वरी अटोमोटिभ्सके सञ्चालक प्रेम साउँद बटैलै ।
टिभिएससे नेपाली बजारमे टिभिएस रोनिन, रेडर, अपाचे, एन्टर्क, आईक्युब, जस्ता उत्कृष्ट बाईक तथा स्कुटर उपलब्द करैटी आइल बा । टिभिएस बाइक ओ स्कुटरमे एडभान्स फिचर रख्टी प्रयोगकर्ताहुक्रन माँझ मजा प्रभाव पर्ना सफल बनल बा ।
