कैलारीमे महिला र सीमान्तकृत समुदायका लागि न्यायमा पहुँच बढाउन सामुदायिक सस्थाहरुको क्षमता अभिवृद्धि परियोजना लागु

पहुरा समाचारदाता
हसुलिया, १२ बैशाख । कैलारी गाउँपालिकामे महिला र सीमान्तकृत समुदायका लागि न्यायमा पहुँच बढाउन सामुदायिक सस्थाहरुको क्षमता अभिवृद्धि परियोजना लागु हुइल बा ।

कैलारी गाउँपालिकाके समन्वयमे पिसविन कैलालीसे कानून मन्त्रालय ओ यूएनडिपीके आर्थिक सहयोगमे यिहे बैशाख ११ गतेसे वडा नम्बर ३, ४, ५ ओ ६ मे यी परियोजना लागु हुइल ओ परियोजनाबारे मंगरके रोज हसुलियामे जानकारी डेहल हो । पिसविन कैलालीके सदस्य हर्कबहादुर ओली उ परियोजनाबारे विस्तृत जानकारी डेहल रहिट ।

परियोजनाके लक्षित समुदाय सीमान्तकृत जनसंख्या (महिला, दलित अल्पसंख्यक, पिडब्लुडी, यौनिक तथा लैङिक अल्पसंख्यक समुदाय, अन्य) करके प्रत्यक्ष लाभान्वित संख्या ४ हजार २०० रहना उहाँ जनैलै । परियोजनाके प्रमुख विषय क्षेत्र व्यक्तिगत घटना दर्ता नइकरेबेर आइल ओ अइना समस्याबारे जानकारी, छलफल करैना, हिंसाके घटना दर्ता कर्ना सम्बन्धित निकायके जानकारी करैना समुदायमे कानूनी साक्षरता बह्रैना रहल जनागिल बा ।

परियोजनाके उद्देश्यमे महिला, अपाङता रहल व्यक्ति, यौनिक तथा लैङिक अल्पसंख्यक समुदायके व्यक्ति, दलित, आर्थिक अवस्था कमजोर रहल ओ सीमान्तकृत समुदायके लाग अनौपचारिक ओ औपचारिक न्याय संयन्त्रमे पहुँच, महिला, दलित ओ अन्य सीमान्तकृत समूहहे ओइनके हक, अधिकारके वकालत कैना सशक्तिकरण, स्थानीय न्यायिक समितिके कार्यप्रणालीहे सुदृढ कैना ओ कानुनी चेतनामूलक गतिविधिमे शैक्षिक रूपमे झुकाव रहल युवाहे समावेश कैना, नागरिक कागजात ओ अत्यावश्यक घटना दर्ताके महत्वके बारेमे सचेतना जगैना ओ हेल्पलाइन ओ डिफेन्डर बुथ स्थापना ओ सुदृढीकरण कैना, जातीय ओ लिङमे आधारित भेदभाव, घरेलु हिंसा, छाउपडी जैसिन हानिकारक अभ्यास, यौन हिंसा जैसिन सामाजिक विकृति ओ अपराध विरुद्ध उपलब्ध कानुनी संयन्त्र सम्बोधन कैना कानुनी प्रावधानके बारेमे संचेतना अभिवृद्दि कैना, सीमान्तकृत ओ पीडित व्यक्तिहुकनहे मोबाइल कानूनी सहायता सेवा प्रदान कैना, माध्यमिक तहके विद्यार्थीहे लैङिक ओ जातीय हिंसा, यौन हिंसा, अत्यावश्यक दर्ता, ओ नागरिक कागजातमे अभिमुखीकरण कैना रहल बा ।

परियोजनाके परिचयात्मक कार्यक्रममे कैलारी गाउँपालिका अध्यक्ष राजसमझ चौधरी, गाउँपालिका उपाध्यक्ष भगवतीकुमारी चौधरी, प्रमुख प्रशासकीय अधिकृत लक्ष्मी दत्त भट्ट, गाउँपालिकाके टमान शाखाके प्रमुखहुकनके सहभागिता रहल रहे ।