कैलारी गाउँपालिकामे संचालित योजनाके अनुगमन

पहुरा समाचारदाता
हसुलिया, १३ बैशाख । कैलारी गाउँपालिकाके आर्थिक बर्ष २०८०÷०८१ सालके बजेटसे टमान वडामे संचालित योजनाके गाउँपालिका स्तरीय अनुगमन तोलीसे विफेक रोज अनुगमन कैगिल बा ।

गाउँपालिका उपाध्यक्ष तथा अनुगमन समितिके संयोजक भगवतीकुमारी चौधरीके नेतृत्वमे वडा नम्बर १, २, ५ ओ ७ मे संचालित टमान योजनाके स्थलगत अनुगमन कैगिल हो ।

वडा नम्बर ५ के जवदहुवासे छुटकी पलिया हुइटी मोहनपुर जोरना सडक स्तरोउन्ती, सुनहराताल आधारभूत विद्यालयमे बनल भान्सा तथा खाजा घरके अनुगमन कैगिल बा । वडा नम्बर ७ के नारायाणपुर हुइटी बसन्तासमके सडक स्तरोन्ती, जनता आधारभूत रामपुरमे विद्यालयके भान्सा तथा खाजा घर, रामपुरमे प्रधानमन्त्री रोजगार कार्यक्रम अन्र्तगत सडक निर्माणके अनुगमन कैगिल बा ।

ओस्टेक वडा नम्बर ५ के पवेरामे प्रधानमन्त्री रोजगार कार्यक्रम अन्र्तगत खानेपानी पाइप लाइन विस्तारके अनुगमन, वडा नम्बर १ स्थित जनता आधारभूत विद्यालय मनाउमे निर्माण हुइटी पर्खाल ओ वडा नम्बर २ स्थित उजलीशेमरासे बसौटी अइना सडकके सडक स्तरोउन्तीके अनुगमन कैगिल बा ।

अनुगमन टोलीमे गाउँपालिका उपाध्यक्ष तथा अनुगमन समितिके संयोजक भगवतीकुमारी चौधरी, वडा नम्बर ६ वडा अध्यक्ष प्रेम बहादुर चौधरी, समितिके सदस्य लालबहादुर विक, समितिके सदस्य सुनिला चौधरी, योजना शाखा प्रमुख सन्तोषक्ुमार चौधरी, असिटेन्ट सव इन्जिनियर रविशंकर चौधरी, कैलारी गाउँपालिका प्रधानमन्त्री रोजगार शाखाके इन्द्रश्याम चौधरीलगायत सहभागिता रहे ।