सहकारी शिक्षा तथा अन्तर समुह सुदृढीकरण तालिम
समाचारदाता
धनगढी, १५ बैशाख । नमस्ते बचत ऋण सहकारी संस्था लिमिटेड धनगढीके आयोजनामे दुई दिने सहकारी शिक्षा तथा अन्तर समुह सुदृढीकरण तालिम सम्पन्न हुइल बा ।
सहकारीके लघुवित्त समुहके केन्द्र प्रतिनिधि शेयर सदस्यहुकनके लाग सहकारी शिक्षा तथा अन्तर समुह सुदृढीकरण तालिमके आयोजना कैगिल रहे ।
तालिम उदघाटन कार्यक्रम नमस्ते बचत ऋण सहकारी संस्था लिमिटेड धनगढीके शिक्षा उपसमिति संयोजक बुधराम चौधरीके अध्यक्षतामे हुइल कार्यक्रमके बरका पहुना सहकारीके उपाध्यक्ष रोहितकुमार चौधरी रहल रहिट । तालिममे सहकारी शिक्षाके महत्व, उत्प्रेरणा जगैना मेरिक समसमायिक विषयमे सहजीकरण शिक्षा उपसमिति सदस्य तथा सहजकर्ता ठाकुर प्रसाद करियाप्रधान डेहल रहिट ।
अन्तर समुह सुद्धिधिकरण तथा सहकारी वीमाबारे पूर्व कार्यकारी प्रबन्धक कुन्नु नारायण चौधरी सहजीकरण करल रहिट । बचत तथा ऋण व्यवस्थापनबारे सहजीकरण शिक्षा उपसमिति संयोजक बुधराम चौधरी डेहल रहिट । कार्यक्रमके संचालन सहकारीके अधिकृत पवित्रा चौधरी ओ स्वागत मन्तव्य शिक्षा उपसमिति सदस्य इन्दिरा चौधरी व्यक्त करल रही ।
सहकारीमे १०५ ठो लघुवित्त केन्द्र समुह रहल बा । पहिल रोज धनगढी उपमहानगरपालिका वडा नम्बर १५, १६, १७, १८, १२ के केन्द्र समुहके ३० जाने प्रतिनिधि सहभागिता रहे । कलेसे दुसरा दिन १, ५, ६, ७ वडाके समुह केन्द्र प्रतिनिधिके सहभागिता रहे । तालिम साना किसान विकास लघुवित वित्तीय संस्था लिमिटेडके आर्थिक सहयोगमे हुइल रहे ।
