चैतन्य पाठशालासे करल सहृदय समाज निर्माण प्रस्तावना बैठक निम्जल

पहुरा समाचारदाता
धनगढी, २१ बैशाख । धनगढी ५ शिवनगर स्थित चैतन्य पाठशालासे सहृदय समाज निर्माण प्रस्तावना बैठक निम्जल बा ।
समाज सेवा तथा सामाजिक कार्यमे नयाँ आयाम ठप्टी चैतन्य पाठशालासे समाजहे सुसज्जित बनाइक लाग पाठशालासे सहृदय समाज निर्माण प्रस्तावना बैठक सम्पन्न करल हो ।

बिफेक रोज पाठशालाके सभाहलमे आयोजित कार्यक्रममे धनगढीके सहायक प्रजिअ किरण जोशी, सई सुरेन्द्र पन्त, वडा नंम्बर ५ के अध्यक्ष गजेन्द्र बहादुर शाही, शिवनगर खानेपानीके अध्यक्ष राजेश खातीलगायत समाजके बुद्धिजीवीके उपस्थिमे पाठशालाके अध्यक्ष गणेश प्रसाद जोशी सहृदयी समाज निर्माण प्रस्तावना पेश करल हुइट । आजके बालबालिका काल्हके समाजके कर्णधार हुइल ओरसे तिनु बालबालिकाहुकनहे सहृदयी समाज हस्तान्तरणके लाग अभिभावक महत्वपूर्ण भूमिका निर्वाह करे पर्ना बाटमे जोड डेहल बा । विद्यालयके अध्यक्ष गणेश प्रसाद जोशी कहलै, ‘बालबालिकाहुकनके सुनौलो भविष्य उ वेला केल सुनिश्चित हुई जब ओइनके वर्तमान सुन्दर रही ।

उप्परके प्रस्तावना हम्रे कैसिक सुन्दर समाज निर्माणमे सार्थक बने सेक्बी कना चिन्तनमे आधारित बा उहाँ कहलै । वर्तमान समयमे बालबालिकाहुकनकेृ सक्षमता विकासके लाग समय सापेक्ष शिक्षा ,स्वाथ्य, अन्य महत्वपूर्ण बाट, जीवनशैली ओ संस्कारमे परिर्वतन नन्ना अपरिहार्य रहल बटैलै । विद्यालयके अध्यक्ष जोशी अब्बेक बालबालिकामे असीमित सम्भावना, सृजनशीलता, ग्रहण कैना क्षमता, केवल प्रेरणा ओ सकारात्मक सामाजिक परिवेशके सकारात्मक सामाजिक परिवेश ओ संस्कारी बालबालिका बनैना अभिभावहुकनके दायित्व झन् बह्रके गैल बटैलै । वर्तमान समयमे सूचना ओ प्रविधिके विकाससे हम्रहिनहे जटरा सहजता प्रदान करले बा । उहीसे ढेर चुनौतीफे थपल विल्गाइठ ।

विश्व समाज बालबालिकाहुकनके लाग संवेदनशील बनल यी बदल्टी परिवेशमे हम्रे सुदूरबासी ओ विशेष करके धनगढीबासी थप संवेदनशिल हुई पर्ना दृश्य विल्गैटी रहल बटैलै । ओस्टे विद्यालयके अध्यक्ष गणेश प्रसाद जोशी कहलै ।
विगत तीन महिनासे मोर सुक्ष्म अध्ययन, अवलोकन ओ अनुभूतिसे शिवनगर क्षेत्रमे छोट–छोट स्कूले बालबालिकाहुकनके विचलित मनोविज्ञान हेरे पाइल बटैलै ।

उहाँ कहलै, आज उ बालक अपनेक छावा नइहुइही, उ अपनेनहे प्रत्यक्ष असर नइपरी मने सामाजिक दृष्टिकोणसे हेरेबेर हरेक बालबालिका हमार अपन छावा छा्रई हुइट । उहाँ कहलै, मोर आँखी आघे रात १०÷११ बजे सम छोट–छोट बालबालिका विना उद्देश्य बरालल डेख्के ओ केहोर केहोर कुलतमे डोरयाई लागल डेखके बहुट दुःख महशुस करटी उ बालबालिकाके लाग कुछ सकारात्मक ओ प्रेणादायी कार्यके थालनी कैना अभिप्रायसे प्रयुक्त प्रस्तावना विद्यालयके अध्यक्ष गणेश प्रसाद जोशी पेश करले बटै ।

यी हो सहृदय समाज निर्माण प्रस्तावना

जेकर अनुसार शिवनगर सहृदयी समाज निर्माण, शिवनगरहे बालमैत्री ओ प्रेरणदायी समाज घोषणा, हरेक अभभिावकसे बालबालबालिकाके दैनिकी, साथीसंगत, ओकर संलग्नता ओ स्वभावमे निगरानी, अस्वस्थ खानपान तथा समग्र पक्षके ध्यानकर्षण करैना, समाजके जिम्मेवार व्यक्ति असल चरित्र निर्माणमे जोड, जिम्मेवार नागरिक उत्पादनमे जोड, हरेक बालकमे सम्भावना रहठ, टबमारे आदर्श नागरिक बन्न प्रेरित, दैनिक कैना क्रियाकलापमे हेरविचार करके आवश्यक सल्लाह सुझावमे जोड, संवेगात्मक विकासके लाग नियमित योग ध्यानमे जोड ओ सम्बन्धित निकायमे अनुरोध करके प्रहरीविटके स्थापनाके पहल कैना प्रस्तावना पाठशालाके अध्यक्ष गणेश प्रसाद जोसी राखल रहिट ।

कलेसे कार्यक्रममे जिल्ला प्रहरी किरण जोशी, सई सुरेन्द्र पन्त, वडा न ५ के वडा अध्यक्ष गजेन्द्र बहादुर शाही ,शिवनगर खानेपानीके अध्यक्ष राजेश खाती, राजनितिक, साजसेवी, पत्रकार, बिशिष्ट व्यक्तित्वके उपस्थिति रहल रहे । साथे समाज निमार्णमे उपस्थित महानुभावसे शिवनगर सहृदयी समाज निर्माणमे सहयोग कैना प्रतिवद्दता समेत व्यक्त करले रहिट ।