युनिकसे वित्तीय साक्षरता तथा केन्द्र प्रमुख अन्तक्रिया कार्यक्रम

पहुरा समाचारदाता
हसुलिया, २२ बैशाख । देशके प्रतिष्ठित लघुवित्त युनिक नेपाल लघुवित्त वित्तीय संस्था लि.शाखा कार्यालय हसुलिया, कैलालीके आयोजनामे वित्तीय साक्षरता तथा केन्द्र प्रमुख अन्तक्रिया कार्यक्रम सम्पन्न हुइल बा ।

युनिक नेपाल लघुवित्त वित्तीय संस्था लि. केन्द्रीय कार्यालयके समन्वय तथा क्षेत्रीय कार्यालय धनगढीके सहकार्यमे केन्द्र प्रमुख अन्तक्रिया कार्यक्रम एक भव्य कार्यक्रमक विच कैलालीके हसुलियामे सम्पन्न हुइल हो ।

उ अन्तक्रिया कार्यक्रमके प्रमुख अतिथी युनिक नेपाल लघुवित्त वित्तीय संस्था लिमिटेडके संचालक समिति सदस्य तथा समाजसेवी पुरन प्रसाद चौधरी, बिशिष्ट पहुना कैलारी गाँउपालिकाके उपाध्यक्ष भगवती चौधरी रहल रहिट । कार्यक्रमके पहुनामे ईलाका प्रहरी कार्यालय हसुलिया, कैलालीमे कार्यरत प्रहरी सहायक निरिक्षक श्यामराज पन्त, युनिक नेपाल लघुवित्त वित्तीय संस्था लिमिटेडके आन्तरिक लेखा परिक्षक विनोद कँवर, युनिक नेपाल लघुवित्त वित्तीय संस्था लिमिटेडके क्षेत्रीय कार्यालय प्रमुख सन्तकुमार चौधरी लगायत रहल रहिट ।

बित्तीय साक्षरता तथा केन्द्र प्रमुख अन्तक्रिया कार्यक्रममे बोल्टी युनिक नेपाल लघुवित्त वित्तीय संस्था लिमिटेडके संचालक समिति सदस्य तथा समाजसेवी पुरन प्रसाद चौधरी अपन केन्द्रहे बल्गर बनाइक लाग केन्द्र प्रमुखके महत्वपुर्ण भूमिक रहना ओ ओकर लाग केन्द्र प्रमुख इमान्दार लगनशिल मिहिनेत करके लागे पर्नामे जोर डेलै ।

उहाँ ढेर से ढेर ऋण लेके उद्यमी बने पर्ना ओ संस्थासे अपन सदस्य आर्थिक रुपमे सबल ओ सक्षम हुइल हेरे चाहल बटैलै । युनिक नेपाल लघुवित्त वित्तीय संस्था लिमिटेडसे सञ्चालन करटी आइल तालिम मध्ये वित्तीय साक्षरता तथा केन्द्र प्रमुख अन्तक्रिया कार्यक्रमफे एक रहल बटैटी यी तालिममे सिखल बाटसे केन्द्र बैठकमे केन्द्र प्रमुखहे थप सहयोग पुग्न ओ केन्द्र प्रमुखके क्षमता अभिवृद्धी हुइना समेत बटैैलै ।

हरेक वर्ष जस्टे करटी आइल वित्तीय साक्षरता तथा केन्द्र प्रमुख अन्तक्रिया कार्यक्रम एक भब्य कार्यक्रमके विच कैलालीके हसुलियामे सम्पन्न हुइल ओ युनिक नेपाल लघुवित्त वित्तिय संस्था के ४१ ठो शाखामे कार्यक्रम करटी, ओक्रे निरन्तरता स्वरुप कैलालीके हसुलियामे सम्पन्न हुइल युनिक नेपाल लघुवित्त वित्तीय संस्थाके कार्यकारी निर्देशक तथा लघुवित्त विज्ञ डा. गोपाल दहित जानकारी डेलै ।

कार्यक्रमके विशिष्ठ पहुना तथा कैलारी गाउँपालिका उपाध्यक्ष भगवती चौधरी हरेक जाने ऋणके सही सदुपयोग करटी आघे बह्रे पर्ना बटैली । उहाँ ऋण लेसेकलपाछे तिरे पर्ना ओ कुछफे तिरे नइपरी कना भ्रममे नइपर्ना आग्रह समेत करली । लेहल कर्जाके सही सदुपयोग करलेसे भविष्यमे आइल अकल्पनिय समस्या समाधान कैना संस्थासेफे सहयोग हुइना बटैली ।

उहाँ युनिकसे घर घरमे जाके सेवा डेटी आइल ओ यिहीसे पाछे पारल वर्ग थारु, दलित, अल्पसंख्यक, अन्य समुदायहेफे भारी सहयोग करल बटैली । साथे उहाँ युनिकके मजा काम ओ समाजप्रति उत्तरदायि भुमिका खेल्टी रहल अपने सुन्टी, डेख्टी आइल बटैली । उहाँ बैंक तथा वित्तीय संस्थासंग कैलारी गाँउपालिका समन्वय ओ सहकार्य कैना समेत सदैव तयार रहल बटैली ।

ओस्टेक करके कार्यक्रमके सहजकर्ता तथा युनिक नेपाल लघुवित्त वित्तीय संस्था लिमिटेडके मानव जनशक्ति तथा तालिम सेक्सन प्रमुख प्रमुख मानबहादुर थारु लघुवित्तमे डेखल भ्रम तथा सत्य ओ यकर सम्भावित असरबारे सहजीकरण करले रहिट ।
कार्यक्रमके सहजकर्ता तथा युनिक नेपाल लघुवित्त वित्तीय संस्था लिमिटेडके आन्तरिक लेखा परिक्षक बिनोद कुँवर केन्द्र प्रमुखसे आइल प्रश्न सल्लाह तथा सुझावबारे स्पष्ट पर्नाके साथे संस्थाके नीति नियम बारे केन्द्र प्रमुखहुकनहे बटैलै ।
युनिक नेपाल लघुवित्त वित्तीय संस्था लिमिटेडके क्षेत्रीय कार्यालय प्रमुख सन्तकुमार चौधरी ग्राहक सन्तुष्टि सर्वेक्षण तथा प्रतिवद्धता निर्माणबारे सहजीकरण करल रहिट ।

उ वित्तीय साक्षरता तथा केन्द्र प्रमुख अन्तक्रिया कार्यक्रमके युनिक नेपाल लघुवित्त वित्तीय संस्था लिमिटेड शाखा कार्यालय हसुलियासे अपन समूह सदस्य लगनशिल मेहेनेती जेहेन्दार ४ जाने छावा छाईनहे छात्रवृति ओस्टेक करके उत्कृष्ट केन्द्र प्रमुख खेमा देवी देउवा, सफल उद्यमी भुमीसरा बि.क, कलावती देवी चौधरी, ओस्टे उत्कृष्ट केन्द्र बैठक ४ ठो उत्कृष्ट बचतकर्ता तुल्सा चौधरीहे युनिक नेपाल लघुवित्त वित्तीय संस्था लिमिटेडके संचालक समिति सदस्य तथा समाजसेवी पुरन प्रसाद चौधरी तथा बिशिष्ट पहुना प्रहरी सहायक निरिक्षक श्यामराज पन्त फुलमाला ओ पुरस्कार सहित सम्मान करल रहिट ।

युनिक नेपाल लघुवित्त वित्तिय संस्था लिमिटेडसे २०५७ सालसे पाछे पारल वर्ग थारु, दलित, मुस्लिम, आदिवासी जनजाती, सिमान्तकृत समुदाय गरिबीके रेखाटरहल महिला डिडीहुकनहे लघुवित्त कार्यक्रमसे आर्थिक रुपमे सबलीकरण कैना तथा क्षमता अभिवृद्धि कैना ग्रामीण क्षेत्रमे कार्य करटी आइल बा । हाल युनिक नेपाल लघुवित्त वित्तीय संस्था लिमिटेडसंग करिब ९० हजारसे ढेर महिला दिदी बहिनीया लघुवित्त सेवा लेटी आइल बटै ।

युनिक नेपाल लघुवित्त वित्तीय संस्था लिमिटेडसे कैलाली, कञ्चनपुर, बाँके, बर्दिया, दाङ, कपिलवस्तु करके ६ ठो जिल्लामे ४१ ठो शाखा मार्फत सेवा करटी आइल बा ।

बित्तीय साक्षरता तथा केन्द्र प्रमुख अन्तक्रिया कार्यक्रके सञ्चालन युनिक नेपाल लघुवित्त वित्तीय संस्था लिमिटेड शाखा कार्यालय हसुलियाके शाखा प्रमुख निर्मल रैका करल रहिट । वित्तीय साक्षरता तथा केन्द्र प्रमुख अन्तक्रिया कार्यक्रममो १८५ जानेक उपस्थिति रहल रहे ।