महिला तथा सीमान्तकृत समुदायका लागि कानूनी सचेतना ओ सहायता सेवा परियोजनाके पालिकास्तरीय समन्वय बैठक

पहुरा समाचारदाता
हसुलिया, २४ बैशाख । महिला तथा सीमान्तकृत समुदायका लागि कानूनी सचेतना ओ सहायता सेवा परियोजनाके पालिकास्तरीय समन्वय बैठक कैलारी गाउँपालिकाके हसुलियामे सोम्मारके रोज हुइल बा ।

कैलारी गाउँपालिकाके समन्वयमे पिसविन कैलालीसे कानून मन्त्रालय ओ यूएनडिपीके आर्थिक सहयोगमे यिहे बैशाख ११ गतेसे वडा नम्बर ३, ४, ५ ओ ६ मे यी परियोजना लागु हुइल बा । परियोजना अपन गतिविधि सुरुवाटी चरणमे रहल ओरसे ओकर सहज कार्यान्वयन ओ कानूनीबारे जानकारी डेनाके साथे सुझाव संकलनके लाग गाउँपालिका उपाध्यक्ष तथा न्यायिक समिति संयोजक भगवतीकुमारी चौधरीके अध्यक्षता तथा सुदूरपश्चिम प्रदेश सरकारके मुख्यमन्त्री तथा मन्त्री परिषद कार्यालयके प्रदेश सचिव गंगाबहादुर खरेल वरका पहुना रहल समन्वय बैठक हुइल हो ।

कार्यक्रममे गाउँपालिका उपाध्यक्ष भगवतीकुमारी चौधरी पिसविन कैलाली ‘महिला तथा सीमान्तकृत समुदायका लागि कानूनी सचेतना ओ सहायता सेवा परियोजना’ संचालन करके कानूनी सचेतनाके क्षेत्रमे महत्वपूर्ण योगदान पुग्न बटैली । यी परियोजनाके गतिविधि ओ न्यायिक समितिके टमान गतिविधि मिल्ना जुल्ना रहल ओरसे समन्वय करके आघे बह्रना ओ न्यायिक क्षेत्रमे बजेट बह्रैना गाउँपालिका उपाध्यक्ष बटैली ।

सुदूरपश्चिम प्रदेश सरकारके मुख्यमन्त्री तथा मन्त्री परिषद कार्यालयके प्रदेश सचिव गंगाबहादुर खरेल प्रदेश तथा स्थानीय तहके कानून तर्जूमा प्रक्रिया कानून कार्यान्वयनके अवस्था, समस्या तथा सुधार करेपर्ना पक्षबारे प्रस्तुतीकरण करल रहिट ।

पिसविन कैलाली अन्र्तगत महिला तथा सीमान्तकृत समुदायका लागि कानूनी सचेतना र सहायता सेवा परियोजनाके अधिकृत हर्कबहादुर ओली परियोजनासे लक्षित समुदाय सीमान्तकृत जनसंख्या (महिला, दलित अल्पसंख्यक, पिडब्लुडी, यौनिक तथा लैङिक अल्पसंख्यक समुदाय, अन्य) करके प्रत्यक्ष लाभान्वित संख्या ४ हजार २०० रहना उहाँ जनैलै । परियोजनाके प्रमुख विषय क्षेत्र व्यक्तिगत घटना दर्ता नइकरेबेर आइल ओ अइना समस्याबारे जानकारी, छलफल करैना, हिंसाके घटना दर्ता कर्ना सम्बन्धित निकायके जानकारी करैना समुदायमे कानूनी साक्षरता बह्रैना रहल उहाँ जनैलै ।

परियोजनाके उद्देश्यमे महिला, अपाङता रहल व्यक्ति, यौनिक तथा लैङिक अल्पसंख्यक समुदायके व्यक्ति, दलित, आर्थिक अवस्था कमजोर रहल ओ सीमान्तकृत समुदायके लाग अनौपचारिक ओ औपचारिक न्याय संयन्त्रमे पहुँच, महिला, दलित ओ अन्य सीमान्तकृत समूहहे ओइनके हक, अधिकारके वकालत कैना सशक्तिकरण, स्थानीय न्यायिक समितिके कार्यप्रणालीहे सुदृढ कैना ओ कानुनी चेतनामूलक गतिविधिमे शैक्षिक रूपमे झुकाव रहल युवाहे समावेश कैना, नागरिक कागजात ओ अत्यावश्यक घटना दर्ताके महत्वके बारेमे सचेतना जगैना ओ हेल्पलाइन ओ डिफेन्डर बुथ स्थापना ओ सुदृढीकरण कैना, जातीय ओ लिङमे आधारित भेदभाव, घरेलु हिंसा, छाउपडी जैसिन हानिकारक अभ्यास, यौन हिंसा जैसिन सामाजिक विकृति ओ अपराध विरुद्ध उपलब्ध कानुनी संयन्त्र सम्बोधन कैना कानुनी प्रावधानके बारेमे संचेतना अभिवृद्दि कैना, सीमान्तकृत ओ पीडित व्यक्तिहुकनहे मोबाइल कानूनी सहायता सेवा प्रदान कैना, माध्यमिक तहके विद्यार्थीहे लैङिक ओ जातीय हिंसा, यौन हिंसा, अत्यावश्यक दर्ता, ओ नागरिक कागजातमे अभिमुखीकरण कैना रहल उहाँ जनैलै । पालिकास्तरीय समन्वय बैठकमे महिला तथा सीमान्तकृत समुदायका लागि कानूनी सचेतना ओ सहायता सेवा परियोजनाके अनुगमन तथा मुल्याङकन अधिकृत धर्म प्रकाश गिरी परियोजनासे कैजिना गतिविधिबारे प्रस्तुतीकरण करल रहिट ।

ओस्टेक कार्यक्रममे एटुजे प्रदेश प्रमुख भुवन चटौत, बार एशोसियशनके रेणु प्रधान श्रेष्ठसे कानूनी सचेतनाबारे अपन बाट राखल रहिट । महिला तथा सीमान्तकृत समुदायका लागि कानूनी सचेतना ओ सहायता सेवा परियोजनाके पालिकास्तरीय समन्वय बैठकमे कैलारी गाउँपालिका प्रमुख प्रशासकीय अधिकृत लक्ष्मीदत्त भट्ट, गाउँपालिकाके सक्कु वडाके वडा अध्यक्षहुक्रे, कार्यपालिका सदस्य, वडा सदस्य, टमान शाखाके प्रमुखहुकनके सहभागिता रहल रहे । कार्यक्रमके संचालन सामाजिक विकास शाखा प्रमुख यगम कलेल करल रहिट ।