अन्तर्राष्ट्रिय रेडक्रस दिवसके अवसरमे रक्तदान कार्यक्रम

पहुरा समाचारदाता
हसुलिया, २६ बैशाख । अन्तर्राष्ट्रिय रेडक्रस दिवसके अवसरमे बुधके रोज हसुलियामे रक्तदान कार्यक्रम कैगिल बा ।

नेपाल रेडक्रस सोसाइटी कैलारी उपशाखाके आयोजना ओ कैलारी उद्योग वाणिज्य संघ हसुलिया, कैलालीके सहकार्यमे अन्तर्राष्ट्रिय रेडक्रस दिवस मनागिल हो । नेपाल रेडक्रस सोसाइटी कैलारी उपशाखाके सभापति श्रीराम चौधरीके अध्यक्षतामे हुइल कार्यक्रममे रक्तदान ओ दीप प्रज्वलन कार्यक्रम हुइल बा

रक्तदान कार्यक्रममे १५ पिन्ट रगत संकलन हुइल नेपाल रेडक्रस सोसाइटी कैलारी उपशाखाके सभापति श्रीराम चौधरी जनैलै । कार्यक्रममे कैलारी उद्योग वाणिज्य संघ हसुलियाके अध्यक्ष नेपालु चौधरी, समाजसेवी बृद्धिजिवी मनिराम बखरियालगायतके उपस्थिति रहे ।