डोङगपुरमे भजहर कार्यक्रम

जीवन चौधरी
पहलमानपुर, २७ बैशाख । कैलालीके भजनी नगरपालिका–९ डोङगपुरमे भजहर पूजाके कार्यक्रम हुइल बा ।\

गाउँक बरका गुरुवा हिरालाल चौधरी भजहर पुजा करटी यकर उद्देश्यबारे जानकारी डेहल रहिट । गाउँघरमे अइना अनिष्ठहे हटाइक लाग मनौटा अनुसार भजहर पुजा कैना करल उहाँ बटैलै ।

भजहरमे गाउँक भल्मन्सा सुखराम डगौरा (भगोरिया), सहायक भल्मन्सा मिनबहादुर चौधरी केशौका रामकिसन चौधरी, सल्लाहकार संयोजक प्रकाश चौधरी, कालीराम चौधरी, कठिराम चौधरी, चिराकी बमबहादुर चौधरी, गाउँक सचिव रामकुमार चौधरीके उपस्थिति रहे ।

ओस्टेक करके गाउँक वुद्धिजिवी श्रीकृष्ण चौधरी, जालीराम चौधरी, पतिराम चौधरी, विरबहादुर चौधरी, दासीराम चौधरीलगायत उ गाउँक १६१ घरसे महिलाहुकनके सहभागिता रहे । भजहरके रिति संस्कृति अनुसार पुजापाठ कैगिल रहे । कलेसे डगर छेक्के स्वेच्छिक सहयोगफे उठागिल रहे ।