उद्यमशिलता विकास तथा व्यवसायिक योजना तालिम निम्जल
पहुरा समाचारदाता
धनगढी, ३० बैशाख । मुक्त कमैया महिला विकास मञ्चके आयोजनामे कैलारी गाउँपालिकाके हसुलियामे पाँच दिने उद्यमशिलता विकास तथा व्यवसायिक योजना तालिम निम्जल बा ।
कैलारी गाउँपालिका उपाध्यक्ष भगवतीकुमारी चौधरीके वरका पहुना हुइल कार्यक्रममे उहाँ महिलाहुकनहे आर्थिक शसक्तीकरण कैना जरुरी रहल बटैली । घरमे कोई महिला शिक्षित बा, आर्थिक रुपमे बल्गर बा । कलेसे बालबच्चाहे पह्राई सेक्ना ओ ओ घर परिवार मजा चलाई सेक्ना बटैली । महिला शिक्षित ओ आर्थिक बल्गर हुइलेसे लैङिक हिंसाफे कम हुइना बटैली ।
सीमान्तकृत समुदायके महिलाहुक्रे अब्बे टमान मेरिक तालिम पासेकल ओरसे उद्यमशिलता विकास तथा व्यावसायिक योजना सम्बन्धी तालिम महत्वपूर्ण रहल बटैली ।
पाँच दिनसम संचालन हुइल तालिममे दुना टपरी, मसला उद्योग, बजारीकरण, उद्यम तथा उद्यमशिलता, व्यवसाय संचालन करेबेर बनाजैना योजनाबारे प्रशिक्षण डेगिल मुक्त कमैया महिला विकास मञ्चके मुल्यांकन तथा अनुगमन अधिकृत सरला सिंह बटैली ।
तालिममे कामना मसला उद्योग तथा कामना एग्रो फर्मके संचालक पंकज बहादुर देउवा प्रशिक्षण डेहल रहिट । तालिम समापन कार्यक्रम मुक्त कमैया महिला विकास मञ्चके व्यवसाय वकास अधिकृत रामभरोसे चौधरीके अध्यक्षतामे हुइल रहे । तालिममे २५ जानेक सहभागिता रहे ।
