चैतन्यसे आर्दश अभिभावक संवाद कार्यक्रम

पहुरा समाचारदाता
धनगढी, १३ जेठ । धनगढीमे रहल चैतन्य पाठशालासे असल अभिभावक तथा शिक्षक विद्यार्थी अभिमुखीकरण कार्यक्रम करले बा । असल अभिभावक तथा शिक्षक विद्यार्थीहुकनके लाग प्रशिक्षण कार्यक्रम करल हो ।

बालबालिकाके सुनौलो भविष्यके लाग अपरिहार्य अभिभावक तथा विद्यार्थीके सहकार्य कना नाराके साथ नेपालके मोटिभेस्नल स्पिकर टेनर डा. ताराप्रसाद गिरीसे प्रस्तुती डेहल रहिट ।

शिक्षा ओ संस्कारके संगम चैतन्य पाठशालामे सम्पन्न कैना नियमित श्रृखला अन्तर्गत शनिच्चरके रोज ‘आदर्श अभिभावकरु संवाद कार्यक्रम करल हो ।

कार्यक्रममे मोटिभेस्नल स्पिकर टेनर डा. ताराप्रसाद गिरीसे प्रस्तुती डेहल रहिट । उ चैतन्य संवादमे डा. गिरीसे आदर्श अभिभावक बन्न उत्प्रेरित करल रहिट ।

मुख्य चिन्तनके विषयमे बोल्टी डा. गिरीसे चैतन्य संवादमे आदर्श अभिभावकके गुण, जिम्मेवार, अभिभावक बन्न प्रेरणा, पाठशाला, अभिभावक ओ विद्यार्थीविचके सार्थक समन्वय, पहिल पाठशाला घर ओ पहिल प्राध्यापक डाईबाबा, प्रेरणादायी अभिभावक पाठशाला ओ विद्यार्थीके उर्जाश्रोत रहल डा. गिरी बटैलै । आदर्श अभिभावकके उत्प्रेरक गिरीसे घर पहिल पाठशाला हो हो घरसे संस्कारके बाट सिखाई पर्ना, बालबालिकामे विशेष ध्यान नइडेलेसे बालमस्तिष्कमे आघात पुग्न बटैलै ।

अभिभावकसे अपन बालबालिकाहे सुने पर्ना बाट बटैलै । अपन जीवनके भोगाइ ओ व्यवहारिक ज्ञानसे अभिभावकहे उत्प्रेरित करल रहिट ।

उ कार्यक्रममे विद्यालयके अध्यक्ष गणेशप्रसाद जोशी आदर्श अभिभावक शिक्षासे बालबालिकाके सिकाइमे थप सहज हुइना नियमित श्रृङ्खला पाठशालासे करटी आइल ओ चैतन्य संवादसे अभिभावकहे आदर्श ओ असल बनैना सहयोग कैना ओ यैसिन कार्यक्रममे नियमित रुपमे अभिभावक उपस्थित हुई पर्ना बाट बटैलै ।

धनगढी उपमहानगरपालिका वडा न १८ के वडा अध्यक्ष भुवन रिजाल उ कार्यक्रममे बोल्टी यैसिन कार्यक्रम अपने अभिनसम नइपाइल ओ अभिभावहे बेला बेला चैतन्यसे डेना करल आदर्श अभिभावक कार्यक्रम बहुट प्रभावकारी हुइना करल बटैलै ।

चैतन्य पाठशालासे असल अभिभावक तथा शिक्षक विद्यार्थी अभिमुखीकरण कार्यक्रममे शिक्षक, बौद्धिक व्यक्तत्व, समाज सेवी, राजनितिज्ञ, अभिभावक, लगाएतके उपस्तिथी रहल रहे । शिक्षक अभिभावक संघके अध्यक्ष ईश्वर गिरीके अध्ययक्षमे हुइल कार्यक्रममे धन्यावाद ज्ञापन विद्यालयके प्रिन्सिपल कटकबहादुर सिंह करल रहिट ।