चैतन्य पाठशालासे रक्तदान कार्यक्रम
पहुरा समाचारदाता
धनगढी, १८ जेठ । धनगढीमे रहल चैतन्य पाठशालासे रक्तदान कार्यक्रम करले बा । “रक्तदान जिवनदान” कना मूल नाराके साथ २३ औँ बिद्यालय स्थापना दिवस अवसरमे शुकके रोज चैतन्य पाठशालासे नेपाल रेडक्रस सोसाइटीके सहयोगमे वृहत रक्तदान कार्यक्रम करल हो ।
कार्यक्रमके प्रमुख प्रेरक व्यक्तित्व १०५ चो रक्तदान कैसेकल सञ्चारकर्मी दिपक उपाध्याय रहल रहिट । कार्यक्रममे बोल्टी उहाँ रगत डेहक लाग कुहीहे पुछे नइपर्ना, कुहीसे अनुमति लेहे नइपर्ना, अपन स्वाइच्छा अनुसार मरण तुल्य हुइल मुत्युके मुखमे पुगल मनैनहे बचैनासे भारी पुण्य और कुछ नइरहल बटैलै । उहाँ अपने १०५ चो रगत डेसेकल बटैलै ।
पाठशालाके अध्यक्ष गणेश प्रसाद जोशी रक्तदान जैसिन महान् कार्य २३ औँ विद्यालय स्थापना दिवस अवसरमे चैतन्य पाठशाला सदा समाज प्रति उत्तदाहित्व, जिमेम्वार, शिक्षामे केल नइहुके बाबुभैयाहे समाज प्रति असल, क्षमतावान, जिमेवार, विद्यार्थी बनैना समाजहे चैतन्य पाठशालाके सहयोग सदा रहना बटैलै ।
रक्तदान कामके प्रशंसा करटी कोईफे रगतके अभावमे ज्यान गुमाई नपरे कना पवित्र उदेश्यसे करल रक्तदानसे सहजता तुल्यइना विश्वास व्यक्त करलै । प्रत्येक स्वस्थ्य व्यक्तिसे ३–३ महिनामे रक्तदान करे सेक्ना तर्क डेटी कौनो बेफाईदा नइहुइना बटैटी समाज परिवर्तनके लाग पाठशालासे चलाइल अभियानहे निरन्तरता सदा डेना बटैलै ।
विद्यालयके प्रिन्सिपल कटकबहादुर सिंह विद्यालय स्थापना दिवसके अवसरमे कैना बार्षिक कार्यक्रमम अनुसार रक्तदान कार्यक्रम कैगिलक हो । गैल बरससे रक्तदान कैगिल रहे । यी बरसफे विद्यालय सामाजिक उत्तरदायित्व बहन करेक लाग कार्यक्रमके आयोजना करल हो ।
कार्यक्रममे बोल्टी पिटीए अध्यक्ष ईश्वर गिरी सेवा धर्म हो कना भावनासे मन्दिरमे जाके पुजा करेबेर मनहे आनन्द तुल्यइठ ओसिक रगत दान करेबेर जीवन मरणके क्षणमे रगत मुत्युके मुखसे एक जानेक व्यक्तिहे बचाई सेकजाइ कलेसे ओसिन पुण्य कर्म भारी धर्म हो कहटी रगत सक्कु जाने दान करे पर्नामे जोड डेलै ।
कार्यक्रममे सञ्चारकर्मी, अभिावाक, शिक्षक, शिक्षिका, मान्यजन लगायतके उपस्थिति रहल रहे । कलेसे कार्यक्रमके सञ्चालन शिक्षक बिन्दाश बम करले रहिट ।
