थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०५ असार २६४८, मंगर ]
[ वि.सं ५ असार २०८१, मंगलवार ]
[ 18 Jun 2024, Tuesday ]

थारु भासक मुक्तक प्रतियोगिता निप्टल

पहुरा | १८ जेष्ठ २०८१, शुक्रबार
थारु भासक मुक्तक प्रतियोगिता निप्टल

पहुरा समाचारदाता
धनगढी, १८ जेठ ।
थारु भासाके मुक्तक प्रतियोगिता निप्टल बा । मुक्तक प्रतियोगिता मनके आवाज परिवार वर्दियाके आयोजनामे जेठ ९ गतेसे १५ गतेसम चलल रहे ।

प्रतियोगितामे पहिल हुउइया जानकी ९ कैलालीके रामकुमार डंगौरा ‘चुक्कु’, डुसरा हुउइया राजापुर १० बर्दियाके पवन चौधरी, टिसरा हुउइया बारबर्दिया ११ बर्दियाके राजन विश्वदीप, सान्त्वना हुउइया बारबर्दिया ४ बर्दियाके सबिना थारु ञसबिझ बटैं ।

जिटुइयनहे पहिल वालाहे ४ सौ, डुसरा वालाहे ३ सौ, टिसरा वालाहे २ सौ ओ सान्त्वना वालाहे १ सौ रिचार्ज डेना आयोजक बटाइल । प्रतियोगीनहे सक्कु जहन प्रमाणपत्र डेना व्यवस्था रहल जनैले बा ।

प्रतियोगितामे लावा लावा मुक्तक लेखक लोग भाग लेहल आयोजक बटाइल । प्रतियोगितामे टमान जिल्लासे ६१ जाने भाग लेहल कार्यक्रम संयोजक महेशराम थारु बटैलैं । जिटुउइयनहे सक्कुहुनहे बधाई ओ लग्टार कलम चल्टी रहे सुभकामना ।

जनाअवजको टिप्पणीहरू