विओपी खोनपुरके प्रमुख भट्टहे विदाई, गान्धीपहे स्वागत
पहुरा समाचारदाता
हसुलिया, ४ असार । शसस्त्र प्रहरी वल खोनपुरके प्रमुख डिएसपी संगीत भट्टहे विदाई कैगिल बा । कलेसे नयाँ प्रमुख गान्धीप सेङतेङहे स्वागत कैगिल बा ।
कैलारीके खोनपुरमे ६ महिनासे कार्यरत रहल भट्ट इटहरी सरुवाहुके गैलपाछे उहाँहे कैलारी गाउँपालिकासे विदाई कैगिल हो । उहाँहे गाउँपालिका अध्यक्ष राजसमझ चौधरी, गाउँपालिका उपाध्यक्ष भवगवीकुमारी चौधरी, प्रमुख प्रशासकीय अधिकृत खगेन्द्रराज जोशी, वडा नम्बर ३ के वडा अध्यक्ष सन्तराम चौधरी, वडा नम्बर ६ के वडा अध्यक्ष प्रेमबहादुर चौधरीलगायत पालिकाके टमान शाखाके प्रमुखहुकनसे भट्टहे विदाई ओ नयाँ प्रमुख सेङतेङहे स्वागत करल रहिट ।
नयाँ आइलहे स्वागत ओ सरुवा हुके गैलहे विदाई कार्यक्रममे गाउँपालिका अध्यक्ष राजसमझ चौधरी कैलारी विपद प्रकोपके उच्च जोखिम रहल ओरसे समन्वय करके आघे बह्रना आग्रह करलै । कार्यक्रमके संचालन सामाजिक विकास शाखा प्रमुख यगम कलेल करल रहिट ।
