धनगढी उपमहानगरके एघारौं अधिवेशन सुरु
पहुरा समाचारदाता
धनगढी, ७ असार । धनगढी उपमहानगरपालिकाके एघारौं अधिवेशन शुकके रोजसे सुरु हुइल बा । नगर प्रमुख गोपाल हमालके अध्यक्षतामे हुइल कार्यक्रममे उहाँ अभिनसम कैगिल गतिविधि ओ आर्थिक बर्ष २०८१/०८२ के वार्षिक नीति तथा कार्यक्रम प्रस्तुत करल रहिट ।
नगर प्रमुखसे आर्थिक बर्ष २०८१/०८२ सालमे अतिक्रमित सरकारी तथा सार्वजनिक जग्गा, ताल, पोखरी लगायतके सम्पत्तिके संरक्षण एवम् व्यवस्थापन कैना, शिक्षा, स्वास्थ्य तथा खानेपानीके गुणस्तर सुधार एवम् सर्वशुलभ पहुँच पुगैना, “हाम्रो धनगढी, सफा धनगढी “के लाग दिगो सरसफाई कैना, पर्यावरणीय सुदृढीकरणके लाग हरियाली प्रवर्धन कैना कार्यनिति रहल बटैलै । ओस्टेक करके सौन्दर्य तथा रात्रीकालीन बजार प्रवद्र्धन कैना, लोक कल्याणकारी उपमहानर मार्फत सामाजिक विकास एवम् गरिवी न्यूनिकरण कैना, कृषि तथा पशुपंक्षी उत्पादन, उत्पादकत्व अभिवृद्धि तथा व्यावसायीकरण कैना, उद्यम विकास, सहकारीता मार्फत यूवा तथा अति विपन्नके लाग स्वरोजगार, खेलकुद विकास लाग ग्रासरूट लेभल कार्यक्रम, भष्ट्राचार विरुद्ध शून्य सहनशीलता, दिगो, भरपदों पूर्वाधार निर्माण एवम् संरक्षण, आर्थिक विकास तथा राजश्व परिचालन कैना, सूचना प्रविधि तथा सञ्चार, मानव संसाधन विकास ओ संस्थागत सुशासनमे ध्यान डेहल कार्यनिति लेहल बा ।
नीति तथा कार्यक्रममे संस्कृति ओ पर्यटन प्रवद्र्धन, वन तथा वातावरण संरक्षण एवम् सामुदायिक वनके दिगो उपयोग, प्राकृतिक विपद् व्यवस्थापन, अशक्त, लागू औषध दुव्र्यसनी, असहाय एवम् आर्थिक रुपसे विपन्न गर्भवती महिला, जेष्ठ नागरिक एवम् अपाङता रहल व्यक्तिहुकनके लाग आवश्यक सहयोग कैना कहल बा ।
कृषि तथा खाद्य कार्यनिति अन्र्तगत एक वडा एक कृषि उत्पादन कार्यक्रम संचालन कैना बा । यूवा लक्षित व्यवसासयिक कृषि कार्यक्रम एवं एकल महिला, मुस्लिम महिला, अपाङता रहल महिला दलित महिला, लैंगिक तथा यौनिक अल्पसंख्यक, भुमिहिन, जनजाती मुक्तकमैया परिवारके जीवनस्तर उकस्ना पुप्प, तरकारी एवम च्याउ खेती प्रवद्र्धन संचालन कैना बा ।
स्थानीय कच्चा पदार्थ, श्रम तथा सिपमा आधारित उद्योग ओ निर्यातजन्य उद्योगहे प्रवद्र्धन कैनाके साथे, यैसिन उद्योगके लाग टमान मेरके कर छुटके व्यवस्था कैना बा । एकल महिला, अपाङता रहल व्यक्ति, लैङिक तथा अल्पसंख्यक ओ विपन्न महिलासे सञ्चालन करल व्यवसायमे विशेष सहुलियतहे निरन्तरता डेना, स्थानीय जाति जनजातिके भेषभूषा संरक्षणके लाग तालिम सञ्चालन कैना बा ।
उपमहानरके सक्कु वडामे आर्थिक गतिविधि बढाके स्थानीय उत्पादनके स्थानीयस्तरमे खपत करैना एक वडा एक आर्थिक केन्द्र विकास कैना बा । दलित तथा आदिवासी जनजातिहुकनके परम्परागत पेसाहे सुदृढ कैना बा । पर्यटन तथा संस्कृति कार्यनीति अन्र्तगतः
भादा होमस्टेहे प्रवर्धन करके व्यवस्थित पर्यटकीय गन्तव्यके रुपमे विकास कैना बा । उपमहानगरके क्षेत्रमे अवस्थित मन्दिर, गुम्बा, देउथान, भुईयाँ, विहार, मस्जिद लगायतके धार्मिक तथा साँस्कृतिक स्थलके संरक्षण तथा सम्बर्द्धन करके साँस्कृतिक पर्यटनके विकास ओ प्रवर्धन कैना बा । सरकारी तथा निजी क्षेत्रसँगके सहकार्यमे बेहडाबाबा मन्दिर परिसरहे प्रमुख धार्मिक पर्यटकीय स्थलके रुपमे विकास कैना बा ।
रोजगारी रणनीति अन्र्तत अध्ययनरत युवाहे स्वरोजगारीके अवसर जुटाई “आफैले कमाई, आफनै पढाईके स्थिति सिर्जना कैना सुदूरपश्चिम प्रदेश सरकारके समन्वय ओ सहकार्यमे रात्रीकालीन बजार संचालन कैना व्यवस्था मिलैना बा । कार्यक्रममे नगर उपप्रमुख कन्दकला राना, नगरसभाके सदस्यहुकनके सहभागिता रहे ।
