विद्यालय भौतिक पूर्वाधार सुधार मर्मतके अनुगमन

पहुरा समाचारदाता
हसुलिया, १७ असार । कैलारी गाउँपालिका अन्र्तगत टमान वडामे रहल विद्यालयमे नवजीवन सेवा संघके आर्थिक सहयोगमे कैगिल मर्मत सुधारके अनुगमन कैगिल बा ।

कैलारी गाउँपालिका अध्यक्ष राजसमझ चौधरी, गाउँपालिका भगवतीकुमारी चौधरीलगायतके नेतृत्वमे संघके आर्थिक सहयोगमे कैलारी गाउँपालिका वडा नम्बर ६ स्थित सरस्वती माविमे १५ सेट कम्प्यूटर सेट, शिक्षकहुकन तालिम, अपाङता, महिलामैत्री शौचालय मर्मतके अनुगमन करल हो ।

अनुगमन टोलीसे कैलारी–६ स्थित जानकीमे ६ ठो कक्षाकोठा, महिलामैत्री शौचालय मर्मतके निरिक्षण÷ अनुगमन, कैलारी–९ स्थित जनता मावि गदरियामे २ ठो कक्षा कोठा मर्मत, १ ठो सेटसहितके स्र्माट बोर्डके अनुगमन कैगिल बा ।

ओस्टेक करके जनता सरस्वती प्रावि कोइलहीमे ४ ठो कक्षा कोठा मर्मत, महिला पुरुष शौचालय मर्मत, पानीके व्यवस्थाकेफे अनुगमन कैगिल नवजीवन सेवा संघके कार्यक्रम संयोजक प्रविन श्रेष्ठ बटैलै ।

अनुगमनके क्रममे गाउँपालिका अध्यक्ष राजसमझ चौधरी, गाउँपालिका उपाध्यक्ष भगवतीकुमारी चौधरीलगायत जिर्ण भवन तथा शौचालय मर्मत सहयोगके लाग नवजीवन सेवा संघके धन्यवाद डेटी यिहीसे पठनपाठन कैना करैनामे सहयोग मिल्ना बटैलै ।

अब्बे विद्यालयके भौतिक पूर्वधारमे सुधार हुइटी गैल राज्यके लगानीफे बह्रटी गैल मने शिक्षाके गुणस्तर खस्कटी गैल बटैलै । गुणस्तरीय शिक्षाके शिक्षक, अभिभावक, विद्यालय व्यवस्थापन समिति, विद्यालय परिवार सचेत हुके लग्ना जरुरी रहल बटैलै ।

विद्यालयके भौतिक पूर्वाधार मर्मत तथा सुधारके अनुगमनमे प्रमुख प्रशासकीय अधिकृत खगेन्द्रराज जोशी, शिक्षा शाखा प्रमुख गणेश प्रसाद मिश्र, सामाजिक विकास शाखा प्रमुख यगम कलेल, भौतिक पूर्वाधार विकास समिति संयोजक प्रेमबहादुर चौधरी, सामाजिक विकास समिति संयोजक सन्तराम चौधरी, कार्यपालिका सदस्य लालबहादुर विक, योजना शाखा प्रमुख सन्तोषकुमार चौधरी, नवजीवन सेवा संघके व्यवस्थापक एकिन्द्र ठकुल्लालगायतके सहभागिता रहे ।