चैतन्यसे एसईई २०८० के ब्याचहे शुभकामना तथा बधाई

पहुरा समाचारदाता
धनगढी, १९ असार । शिक्षा ओ संस्कारके संगम चैतन्य पाठशालासे एसईई २०८० के ब्याचहे शुभकामना तथा बधाई कार्यक्रम करले बा ।

उत्कृष्ट नतिजा ल्यना विद्यार्थीहुकनहे शुभकामना डेना उद्देश्यसे उ कार्यक्रमके आयोजना करल हो । उच्च शिक्षाके कामना करटी सिखल संस्कारसे जीवनभर काम लग्ना ओ यिहीसे अइना दिनमे सहज हुइना बाट विद्यालयके प्रधानाध्यापक कटक बहादुर सिँह बटैलै । ओस्टे कार्यक्रममे शुभकामना मन्तव्य डेटी विद्यालयके सह प्रधानाध्यापक रमेश क्षेडाल विद्यार्थीनके उत्तरोउत्तर प्रगतिके कामना करल रहिट ।

कार्यक्रमके अध्यक्ष रहल शिक्षक अभिभावक संघके ईश्वर गिरी कार्यक्रम समापन करटी अंक गणितीयसेफे. व्यवहारसे उत्कृष्ट जिपिए ल्याने पर्ना बाट व्यक्त करल रहिट ।

कार्यक्रममे अभिभावक, कक्षा ९–१० समके विद्यार्थी सहभागी रहिट कलेसे एसर्ईइ मे सहभागी विद्यार्थीहुकनहे सम्मानपत्र, मायाके चिनो गमला प्रदान करके उ कार्यक्रमके समापन कैगिल रहे ।