बाढसे कटैनी लडियक काठे पुल पुहल
पहुरा |
२३ असार २०८१, आईतवार
पहुरा समाचारदाता
हसुलिया, २३ असार । कैलारी गाउँपालिका–७ स्थित वरका बसन्तामे रहल कटैनी लडियक काठे पुल पुहल बा ।
शुकके रोजसे निरन्तर बरसल पानी कटैनी लडियामे आइल बाढसे आज काठे पुल पुहल हो । बरका बसन्ताके भल्मन्सा जियाराम चौधरी उ काठे आजुक बाढसे पुहाइल बटैलै ।
काठ पुल पुहालसे रतनपुर, नारायणपुर तिघरी ओ मोहनपुरसे वडा कार्यालय अइना जैना समस्या उहाँ बटैलै । कटैनी लडियामे बनल काठे पुल सालोसाल पुहल उहाँ बटैलै ।
