वडा कार्यालयमे गुनासो लेके आइल किसानहुकनहे पालिकामे पठाके सहयोग कैना अनुरोध

पहुरा समाचारदाता
हसुलिया, २८ असार । कृषि उपकरण (सिंचाई मोटर तथा पावर टेलर) अनुदानमे वितरण सम्बन्धमे किसानहुक्रे अपने मर्कामे परल महसुस करके वडा कार्यालयमे गुनासो लेके अइलेसे गाउँपालिकामे पठाके सहयोग कैदेना अनुरोध कैगिल बा ।

कैलारी गाउँपालिका भिटरके किसानहुकनहे कृषि उपकरण (सिंचाई मोटर तथा पावर टेलर) अनुदानमे वितरण कैना कहिके गाउँपालिका भिटरके टमान सहकारी संस्था तथा मनै रकम संकलन करल समाचार मिडिया तथा अन्य टमान माध्यमसे जानकारी प्राप्त हुई आइल ओरसे वडा कार्यालयमे गुनासो लेके अइलेसे कैलारी गाउँपालिका, गाउँ कार्यपालिकाके कार्यालय, हसुलियामे पठाई सहयोग कैदेना गाउँपालिका अध्यक्ष राजसमझ चौधरीसे हस्ताक्षरित सार्वजनिक सूचनासे अनुरोध कैगिल बा । गाउँपालिकासे सक्कु वडा कार्यालयहे पत्रचार कैटी वडाके जनप्रतिनिधिहुक्रनफे समन्वयकारी भुमिका निर्वाह करके किसानहुकनहे सहयोग कैना अनुरोध करल बा ।