टमान सामुदायिक वनमे २८ हजार रुखुवक टेलुवा लगागिल

पहुरा समाचारदाता
हसुलिया, १ सावन । फलेम नेपालके सहयोगमे सहास नेपालसे संचालित वृक्षारोपण परियोजना अन्र्तगत कैलारी गाउँपालिकाके ३, ४ ओ ७ नम्बर वडाके टमान सामुदायिक वनमे २८ हजार टमान जातके रुखुवक टेलुवा लगागिल बा ।

कैलारी गाउँपालिकाके समन्वयमे सव डिभिजन वन कार्यालय बसन्ता, सामुदायिक वन समन्वय समिति, नवजीवन सेवा संघके सहकार्यमे सहास नेपालसे संचालित वृक्षारोपण परियोजना अन्र्तगत टमान समुदायिक वनमे मेरमेराइक रुखुवक टेलुवा लगाइल सहास नेपालके वृक्षारोपण परियोजना फोकल पर्सन विप्लव चौधरी जनैलै ।

कैलारी गाउँपालिका वडा ३, ४ ओ ७ नम्बरके अमृत महिला समुदायिक वन निमुवाबोझी, मुक्त महिला समुदायिक वन के गाउँ, रत्न समुदायिक वन रतनपुरमे लिप्टीस सिसम, गुल्मोहर, बकाइनो, डालेघाँस, साल अस्नालगायत टमान प्रजतीके २८ हजार रुखुवक टेलुवा लगाइल सहास नेपालके परियोजना अधिकृत नरेशकुमार चौधरी बटैलै ।

कैलारी गाउँपालिका–३ निमुवाबोझी अन्र्तगतके अमृत सामुदायिक वनमे ७ हेक्टर जम्मामे तारबार कैगिल, कैलारी–७ स्थित रत्न सामुदायिक वन रतनपुरमे ७ हेक्टर जग्गामे तारबार कैगिल उहाँ बटैलै ।

यिहीसे पहिले उ परियोजना अन्र्तत लगागिल बृक्षारोपण हरियार हुइटी गैल उहाँ बटैलै ।