‘विपदके बेला यौन हिंसा तथा दुव्र्यवहार ढेर हुई सेकठ’
पहुरा समाचारदाता
हसुलिया, ४ सावन । निडस नेपालसे सिआरआर, केयर नेपाल ओ महिला कानून र विकास मञ्चके साझेदारी कैलारी गाउँपालिकामे सुरु करे जैटी रहल ‘विपदमा अधिकारमुखी गुणस्तरीय प्रजनन स्वास्थ्य सेवामा पहुँच सुदृढीकरण परियोजनासे संचालन कैना गतिविधिबारे शुकके रोज हसुलियामे अनुभव साटासाट कार्यक्रम कैगिल बा ।
कैलारी गाउँपालिकाके अध्यक्ष राजसमझ चौधरीके अध्यक्षतामे हुइल कार्यक्रममे उहाँ विपदके बेला महिला, बृद्धबुद्धा, तथा बालिका ढेर प्रभावित हुइना करल बटैलै । विपदके बेला किशोरी, सुत्केरी महिलाहुकनके अधिकारमुखी गुणस्तरीय प्रजनन स्वास्थ्यके आवश्यकता रहठ,’ गाउँपालिका अध्यक्ष कहलै, ‘उ बेला यौन हिंसा, यौन दुव्र्यवहार, आर्थिक प्रलोभनके पारके बेचविखनमे परे सेक्ना अवस्था रहठ ।’ विगतके कोभिडके बेला होए वा नेपालमे आइल भुकम्पके बेला ढेर यौन दुव्र्यवहार, बालबालिकाहुकनहे आर्थिक प्रलोभनमे पारल वेचविखनके बाटफे आइल उहाँ बटैलै । गोदावरी नगरपालिकामे लागु यी परियोजना कैलारी गाउँपालिकासे सु्रु हुइटी रहलमे शुभकामना ओ धन्यवाद ज्ञापनफे करलै ।
वडा नम्बर ५ के वडा अध्यक्ष विष्णु प्रसाद चौधरी विपदके समयमे महिला पुरुष एक्के ठाउँमे बैठे परल अवस्था आईसेक्ना उहे बेला केक्रो गलट दृष्टिसे महिला तथा लउण्डी उप्पर यौन हिंसा ओ यौन दुव्र्यवहार हुई सेक्ना सम्भावना रहल बटैलै ।
गैल असार महिनाके अन्तिम ओर आइल बाढ प्रकोपमे परल सुत्केरीहुकनहे गाउँपालिका अध्यक्ष ओ उपाध्यक्षके कार्यकक्षमे एक रातके बास बैठाइलफे उहाँ बटैलै । उहाँ कहलै, ‘और ठाउँ बैठेलेसे खास सुरक्षित नैरना ओरसे सुत्केरी महिलाहे उहाँ बैठाइल रहे ।
कार्यक्रममे निडस नेपालके सचिव देवचन्द्र उपाध्याय विपदमा अधिकारमुखी गुणस्तरीय प्रजनन स्वास्थ्यके बाट एक दुसरके अनुभव सिखके विपन्न समुदायमे लागु करेक लाग परियोजनाके गतिविधि अनुभव साटासाट कार्यक्रम करल बटैलै । कैलालीके गोदावारीमे लागु हुइल परियोजना कैलारीमेफे लागु हुई जैटी रहल ओरसे सक्कु जाने मिल्के सफल बनाई पर्ना उहाँ बटैलै । उहाँ निडस नेपालके पहिले पौढ शिक्षा लागु करल उ चाही भारी उपलव्धी रहल बाट सुनैलै । उहाँ कहलै, ‘पहिलेक बहुट पिढी अपन नाउँफे लिखे नइजानित, चिठठी पत्र आइलबेला दुसर घर लैजाके पह्रडेउ कहे परे अब्बे अपनही पह्रे सेक्ना, सामाजिक सुरक्षा भत्ता लेहे अपनही नाउँ लिखे सेक्ना हुइल बटै ।’ छोट–छोट चिज सिख्लेसे जीवनके कौनो मोडमे काम आइसेकठ ।’
गोदावरी नगरपालिकाके स्वास्थ्य शाखा प्रमुख नवराज अवस्थी गोदारीमे लागु हुइल ‘विपदमा अधिकारमुखी गुणस्तरीय प्रजनन स्वास्थ्य सेवामा पहुँच सुदृढीकरण परियोजना’ से संचालन करल गतिविधिके अनुभव सुनाइल रहिट ।
केयर नेपालके कालिदास जोशी विपदमा अधिकारमुखी गुणस्तरीय प्रजनन स्वास्थ्य सेवामा पहुँच सुदृढीकरण परियोजनासे संचालन कैना गतिविधिबारे प्रस्तुतीकरण करल रहिट । विपदके समयमे प्रजनन स्वास्थ्य सम्बन्धी गुनासोक संकलन ओ सम्बोधनके लाग सहभागितामुलक तथा अधिकारमुखी सामाजिक जवाफडेहिता संयन्त्र सार्वजनिक स्वास्थ्य प्रणालीमे अवलम्बन हुइना कहलै ।
लैगिंक उत्तरदायी तथा अधिकारमुखी स्वास्थ्य सेवा प्रवाह ढाँचा अवलम्वन कैना सक्कु मेरके मानविय सहायतामे काम कैना, संस्था तथा स्थानीय विपद प्रतिकार्य प्रणाली सक्षम हुइना कहल बा ।
विश्व व्यापी रुपमे अंगीकरण करल प्रगतिशिल प्रूजनन स्वास्थ्य सेवाके मुल्य मान्यता मापदण्ड मानवअधिकार सम्बन्धी कानून ओ सक्कु मेरिक विपद पूर्वतयारी प्रतिकार्य ,पुनर्लाभ, सम्बन्धी नीतिमे समावेश कैना राष्ट्रियस्तरमे पैरवी कैना आवश्यक प्रमाण संकलन हुइना कहल बा ।
जवाफडेहिता समुह ओ सामुदायिक सहजकर्ता संजाल मार्फत सिर्जित प्रमाण प्रजनन स्वास्थ्य ओ सुरक्षा सम्बन्धी सब क्लष्टरमे एकिकृत हुइना उहाँ बटैलै ।
परियोजनासे विपद् पूर्वतयारी तथा प्रतिकार्य योजनामे सामुदायिक सहजकर्ता मार्फत संकलन करल गुनासो तथा पृष्ठपोषण समावेश कैना प्रजनन् स्वास्थ्य सम्बन्ध सरोकारवालसंग संवादके लाग समन्वयके लाग सहजीकरण कैना, प्रजनन् स्वास्थ्य सम्बन्धी जिल्ला स्तरीय सरोकारवालाहे समुदायसे प्राप्त गुनासोके यथोचित सम्बोधन करेक लाग अधिकारमुखी जवाफदेहिता संयन्त्र अवलम्बन सम्बन्धी क्षमता अभिवृद्धी कैना, राष्ट्रियस्तरमे नितिगत सुधारके लाग सिकाई आदान प्रदान गोष्ठीवरे आयोजना कैना, अधिकारमृखि तथा लैंगिक उत्तरदायि नीति तथा कानून निर्माणके लाग स्थानीय तथा प्रदेशस्तरमे महिला तथा किशोरीहे अभियान तथा पैरबीके नेतृत्व कैना सहयोग कैना कहल बा ।
समुदायस्तरके जजाफदेहितासे संयन्त्र ओ समुदाय सहजकर्ता सञ्जालसे प्राप्त सिकाईके आधारमे प्रजनन् स्वास्थ्य ओ सुरक्षा क्लष्टरमे अधिकारमुखी जवाफदेहीत संयन्त्रके अवलम्बनके लाग अन्तरक्रियात्मक कार्यक्रम संचालन कैना सहयोग कैना, स्थानीय समुदायसे प्रशिक्षित व्यक्तिहे एक वांछनीय क्षमता ओ सुविधाके लाग प्रेरणाके साथ
नियमित बैठक सञ्चालन कैना, टमान मुद्दा हानिकारक सामाजिक मान्यता आदिमे सदस्यहुकनहे संवेदनशील बनैना कहल बा ।
कार्यक्रममे निडस नेपालके कार्यक्रम संयोजक विनोड कडरा संस्थासे परिचय ओ संस्थाके कार्य क्षेत्र ओ गतिविधिबारे जानकारी डेहल रहिट । उहाँ यी संस्था विपद, सुरक्षित आप्रवासन, सामाजिक उत्तरदायित्वके क्षेत्रके काम करटी आइल बटैलै । उहाँ गैल बर्ष कैलारी गाउँपालिकाके बाढ पीडितहुकनके खाद्यन्न वितरण करल बटैलै ।
कार्यक्रममे सहजीकरण कैलारी गाउँपालिकाके स्वास्थ्य शाखा प्रमुख नरेशकुमार चौधरी करल रहिट । स्वागत मन्तव्य कैलारी गाउँपालिका वडा नम्बर ३ के वडा अध्यक्ष तथा सामाजिक विकास शाखा प्रमुख सन्तराम चौधरी करल रहिट । कार्यक्रममे प्रमुख प्रशासकीय अधिकृत खगेन्द्र राज जोशी, वडाके अध्यक्षहुक्रे, सामाजिक विकास शाखा प्रमुख यगम कलेल, गाउँपालिका अन्र्तगत टमान स्वास्थ्य संस्थाके प्रमुख तथा प्रतिनिधिहुकनके सहभागिता रहे ।
