धनगढी जेसिजसे विरुवा वितरण
पहुरा समाचारदाता
धनगढी, ६ सावन । धनगढी जेसिजके अँट्वारसे जेसिज सप्ताह सुरु कैले बा ।
समुदायसँग जेसिज नाराके साथ जेसिज सप्ताह सुरु हुइल हो । सप्ताहके पहिल दिन विरुवा वितरण करले बा । धनगढीके सहिद गेटमे सर्वसाधारणहे टमान मेरके बोटविरुवा वितरण करल हो । टमान मेरिक ५३४ विरुवा वितरण करल कार्यक्रमके संयोजक महेश्वर ओझा जानकारी डेलै । पर्यावरण संरक्षणके लाग विरुवा वितरण कैके जेसिज सप्ताह सुरु करल हो ।
धनगढी जेसिजके अध्यक्ष अरुण सिंहके अध्यक्षतामे हुइल कार्यक्रममे कैलाली जिल्ला अदालतके मुख्य न्यायधिश, धनगढी उपमहानगरपालिकाके नगर प्रमुुख गोपाल हमाल लगायतके उपस्थिति रहल रहे ।
सावन १२ गतेसम टमान कार्यक्रम कैके जेसिज सप्ताह मनाजैटी बा । मैत्रीपुर्ण फुुटसल, रक्तदान कार्यक्रम, वक्तृत्वकला प्रतियोगिता, स्वास्थ्य शिविर, प्रकरण गोष्ठी ओ शैक्षिक सामाग्री वितरण कैके सावन १२ गतेसम सप्ताह मनैना जेसिज सप्ताहके मुल संयोजक ईन्जिनियर तर्कराज भट्ट जानकारी डेलै ।
