चैतन्य पाठशालासे गुरु सम्मान कार्यक्रम
पहुरा समाचारदाता
धनगढी, ७ सावन । चैतन्य पाठशालाके विद्यार्थीहुकनके आयोजनामे गुरु सम्मान कार्यक्रम कैगिल बा ।
धनगढी उपमहानगरपालिका वडा नम्बर ५ शिवनगरमे रहल चैतन्य पाठशालाके कक्षा ९ ओ १० के विद्यार्थीहुकनके आयोजनामे गुरु सम्मान कार्यक्रममे शिक्षाविद डा. हेमराज पन्त लगायत चैतन्य पाठशालाके शिक्षकहुकनहे सम्मान कैगिल बा ।
गुरु पुर्णिमाके अवसरमे आयोजना करल सम्मान कार्यक्रममे विद्यार्थीहुक्रे गुरुके सम्मान कैना, अनुशासनमे बैठना ओ गुरु भक्ति कैना संकल्प करल रहिट । विद्यार्थीहुक्रे सक्कु गुरुहुकनप्रति सम्मान व्यक्त करटी गीत, कविता, कथा मार्फत् गुरु ओ शिष्यके सम्बन्ध, गुरुप्रति करे पर्ना व्यवहारके चर्चा करल रहिट ।
संकल्प, कविता ओ स्वागत रख्न चैतन्य पाठशालाके अध्यक्ष गणेश प्रसाद ज्योशीसे विद्यार्थीके जीवनहे सत्मार्ग ओ ओजरारमे डो¥यइना गुरुके भारी भुमिका रना बटैलै । कार्यक्रमके प्रमुख अतिथि प्राध्यापक डा. हेमराज पन्त डाई बाबा संसारके सबसे पहिल ओ महान् गुरु रहल बटैलै ।
शिक्षक अभिभावक संघके अध्यक्ष ईश्वर गिरीके अध्यक्षतामे हुइल कार्यक्रममे विद्यालयके प्रिन्सिपल कटकबहादुर सिंह, विद्यालयके शिक्षक ओ विद्यार्थीहुकनके सहभागिता रहे ।
