मुख्यमन्त्री सोडारी राजीनामा डेलै

पहुरा समाचारदाता
धनगढी, १८ सावन । सुदूरपश्चिम प्रदेशके मुख्यमन्त्री दिर्घबहादुर सोडारी दुसरा प्रदेश सभाके विशेष अधिवेशनके चौठा बैठकमे राजीनामा डेले बटै ।

असार २० गते नेकपा एमालेसे सोडारी नेतृत्वके सरकारहे डेहल समर्थन फिर्ता लेहलपाछे अल्पमतमे रहल उहाँ विश्वासके मत लेना अन्तिम दिन आज (शुकक रोज) दुसरा प्रदेश सभाके विशेष अधिवेशनके चौठा बैठकमे सम्बोधन करटी राजीनामा डेहल हुइट ।

मुख्यमन्त्री सोडारी आपन पक्षम विश्वासके मत नैअइना हुइलपाछे राजीनामाके घोषणा करटी लौव सरकार गठनके लाग डगर खुला करल कहले रहिट । उहाँ आजु सुदूरपश्चिम प्रदेशके प्रदेश प्रमुख नजिर मियाँहे राजीनामा पत्र बुझैले बटै ।

सोडारी एमालेके ११, माओवादीके सभामुखबाहेक १०, नागरिक उन्मुक्तिके २, समाजवादीके ४ ओ स्वतन्त्र १ कैके २८ जाहनके समर्थनमे मुख्यमन्त्री बनल रहिट ।