दिनेश फाउण्डेशनसे रक्तदान कार्यक्रम

पहुरा समाचारदाता
धनगढी २३ सावन । दिनेश फाउण्डेशनसे वृहत रक्तदान कार्यक्रम करले बा । फाउण्डेशनके आयोजना बुधके रोज १२ औं वृहत् रक्तदान कार्यक्रममे ८१ जाने रक्तदान करले बटै ।

रक्तदानसे ढेर जानेक नयाँ जीवन दान प्राप्त कैना ओरसे दिनेश फाउण्डेशनसे हरेक वर्ष रक्तदान कार्यक्रम आयोजना करटी आइल दिनेश फाउन्डेशनके अध्यक्ष श्याम हमाल बटैलै । उहाँ फाउन्डेशनसे हरेक वर्ष रक्तदानके कार्यक्रम करटी ढेर रगत नेपाल रेडक्रस सोसाइटीहे प्रदान करटी आइल बटैले ।

सावन महिनामे बिरामीहे रगतके आवश्यकता ढेर हुइल ओरसे हरेक वर्ष दिनेश फाउण्डेशनसे सावनमे रक्तदान करटी आइल बा ।, उहाँ कहलै, हरेक संघ संस्था ओ व्यवसायिक फर्मफे सामाजिक उत्तरदायित्व बहना करे जरुरी । दिनेश फाउण्डेशनसे हरेक वर्ष सावनमे रक्तदान करटी आइल बा कलेसे टमान समयमे ओर सामाजिक कार्य फे करटी आइल बटैलै ।