चट्याङ् परके १० जाने घाहिल
पहुरा समाचारदाता
धनगढी, २७ सावन । कैलालीके बर्दगोरिया गाउँपालिका वडा नं. ०१ उत्तरमुडा अँटवार दिनके ३ बजके १० मिनेटमे चटयाङ परके १० जाने घाहिल हुइल बटै । उहे ठाउँके स्थानीय भीम बहादुर चौधरीके घरमे रोटीपानीमे स्थानीय मनै घरके आघे अमट्टाके रूखुवा टरे टेन्ट दारके खाना पकैना क्रममे उ रुखुवामे चट्याङ् परल रहे ।
चटयाङमे परके घाहिल हुइलमे कैलाली बर्दगोरिया गा.पा. ०१ उत्तरमुडा बैठना बर्ष ५० कि फिरियादेवी चौधरी, बर्ष ३५ के रितादेवी चौधरी, बर्ष ३२ के माया चौधरी, बर्ष ४५ के कमलापती चौधरी, बर्ष ३२ के किरन चौधरी, बर्ष ३८ के उर्मिला डगौरा, बर्ष ४० के पार्वती चौधरी, बर्ष ५० के फुलकुमारी चौधरी, बर्ष ३५ के निर्मला देवी थारु ओ घोडाघोडी न.पा. ०३ ढुसर बैठना बर्ष ३० के ममता थारु रहल जिल्ला प्रहरी कार्यालय कैलालीके सह प्रवक्ता लोकेन्द्रसिंह कार्की जनाकारी डेलै ।
घाहिलहुकनके बर्दगोरिया अस्पताल प्रा.लि. बौनिया कैलालीमे उपचार हुइटी रहल ओ ओइनके अवस्था सामान्य रहल बा ।
