बरघर ऐन ल्यन्ना माग

पहुरा समाचारदाता
धनगढी, २९ सावन । सुदूरपश्चिम प्रदेशके बरघर÷भलमन्सा प्रणाली संरक्षण तथा विकास ऐन २०८१ ल्यानेक लाग मंगरके रोज मुख्यमन्त्री कमलबहादुर शाहके ज्ञापनपत्र बुझागिल बा ।

थारू कल्याणकारिणी सभाके केन्द्रीय पार्षद रामकुमारी चौधरी, थारू कल्याणकारिणी सभा कैलालीके सभापति विरबहादुर थारू लगायतसे सुदूरपश्चिम प्रदेश सरकारके माननीय मुख्यमन्त्री शाहहे ज्ञापनपत्र बुझाइल हो ।

ओस्टेक करके मुख्यमन्त्रीके निर्देशन अनुसार सुदूरपश्चिम प्रदेश सरकारके मुख्य सचिव डा. हरिप्रसाद लम्साल ओ कानून मन्त्रालय सचिव शुसिल वैद्यसे छलफल कैगिल बा । उहे क्रममे मुख्यमन्त्री शाह सक्कु निकायहे फाइल आघे बह्रैना निर्देशन डेहल दिपु चौधरी जनैलै । यिहीसे आघे मुख्यमन्त्री रहल बेला शाह अपने कार्यकालमे बरघर ऐन ल्यन्ना प्रतिवद्धता जनैले रहिट ।