थारु राष्ट्रिय मुक्ती मोर्चाके घोडाघोडी नगरस्तरीय सम्मेलन सम्पन्न
जीवन चौधरी
पहलमानपुर, ३२ सावन । थारु राष्ट्रिय मुक्ती मोर्चा नेपाल घोडाघोडी नगरपालिका स्तरीय सम्मेलन सम्पन्न हुइल बा ।
शिवकुमार कठरियाके अध्यक्षतामे हुइल कार्यक्रममे बरका पहुना जिल्ला इन्चार्ज हरि ज्ञवाली रहल रहिट । उहाँ अब्बे पाँच प्रतिशत थारु समुदायके व्यक्ति सरकारमे सहभागी हुइल ओ दशबुर्षे जनयूद्धसे जनचेतनाके विकास करल बटैलै ।
सम्मेलनके विशिष्ट पहुना संविधानसभा सदस्य विरमान चौधरी हरेक निकायमे अभिनफे थारु समुदायके सम्मान सहभागिता नैरहल बटैैलै । दलित मुक्ती मोर्चाके केन्द्रीय सदस्य विनोद विक, नगर कार्यपालिका सदस्य आकास परियार शुभकामना डेटी मुक्तीके लाग फेरसे एकजुट हुई पर्ना बटैलै ।
संविधानभा सदस्य कृष्णकुमार चौधरी, पूर्व भूमि व्यवस्था तथा कृषि सहकारी मन्त्री विनिता चौधरी, कैलारी गाउँपालिकाके निबर्तमान अध्यक्ष अंकित चौधरी, तिलक चौधरीलगायत शुभकामना मन्तव्य व्यक्त करल रहिट ।
यिहे घोडाघोडी नगरपालिकास्तरीय लौव कार्यसमिति गठन कैगिल बा । समितिके अध्यक्षमे पर्नाकुमार चौधरी, उपाध्यक्षमे विन्तीराम चौधरी, सचिवमे इन्द्रा दहित, कोषाध्यक्षमे शोभा चौधरी रहल बटै ।
ओस्टेक करके सहसचिवमे विरबहादुर चौधरी, रन्जु चौधरी रहल बटै । सदस्यमे इन्द्रबहादुर चौधरी, राजेश कठरिया, सुनिल चौधरी, रामकिसन चौधरी, विहारीलाल चौधरी, लक्ष्मण चौधरी, खोजराम चौधरी रहल बटै । ओस्टेक राजकुमार चौधरी, खोजराम चौधरी, रमेश चौधरी, माया चौधरी, राधा चौधरी, सितारानी चौधरी, सपना चौधरी, कञ्चन चौधरी ओ कालीराम चौधरी रहल बटै ।
सम्मेलन स्वागत मन्तव्य टीकाराम थारु ओ संचालन पर्नाकुमार चौधरी करल रहिट ।
