खैरो हेरोईनसहित एक जाने पक्राउ

पहुरा समाचारदाता
धनगढी, ७ भदौ । जिल्ला प्रहरी कार्यालय कैलालीसे खटल प्रहरी टोली जिल्ला कैलाली धनगढी उप–महानगरपालिका वडा नं ०१ शिवनगरस्थितसे लागु औषध (खैरो हेरोइनसहित) एक जनहनहे पक्राउ करले बा ।

धनगढी–७ बेली बैठना वर्ष २१ के राहुल चौधरीसे चलाइल से ५ प ६३०३ नम्बरके मोटरसाईकलहे शंका लागके रितपुर्वक चेकजाँच करेबेर मोटरसाइकल पाछे बैठल बर्ष २१ के मुकेश राना अपन खल्तीसे लागु औषध (खैरो हेरोईन) निकारके फेक्के भागल रहिट ।

फरार मुकेशके खोजतलास कार्य हुइटी रहल ओ मोटरसाइकल ओ राहुलहे नियन्त्रणमे लेहल बा । लागु औषध (खैरो हिरोईन) ३ ग्राम ८५० मिलिग्राम रहल जिल्ला प्रहरी कार्यालय कैलाली जनैले बा ।