उद्यमी व्यवसायीहुकनहे सिलाई मेसिन हस्तान्तरण

पहुरा समाचारदाता
हसुलिया, १३ भदौ । कैलाली जिल्लाके कैलारी गाउँपालिकासे उद्यमी व्यवसायीहुकनहे सिलाई मेसिन हस्तान्तरण करले बा ।

गरिवी निवारणका लागि लघु उद्यम विकास कार्यक्रम अन्तर्गत सिलाई कटाई तालिम लेहल उद्यम व्यवसाय सञ्चालन करे चाहल उद्यमी व्यवसायीहुकनहे प्रविधि हसतान्तरण कार्यक्रम अन्तर्गत सिलाई मेसिन हस्तान्तरण कैगिल हो ।

सिलाई मेसिन कैलारी गाउँपालिका उपाध्यक्ष भगवती कुमारी चौधरी विफेक रोज एक कार्यक्रमके विच हस्तान्तरण करल रहिट । उहे विच उहाँ एक ठो सफल उद्यमी मजा व्यवसाय संचालन करलेसे दर्जनौ महिलाहुकनके रोजगारी सृजना करे सेक्ना बटैली । उहाँ कहली, ‘महिलासे संचालन करल व्यवसाय फस्टाइलफे बा ।

तालिमके सदुपयोग करलेसे आर्थिक स्रोत बह्राई सेक्जाई । और जनहन कामफे डेहे सेक्जाई ।’ गाउँपालिकासे ढेर महिलाहुकनके सिलाई कटाई तालिम प्रदान कैसेकलफे उहाँ बटैली ।

वडा नम्बर १ ओ ३ के १२ जाने सहभागीहुकनहे मेसिन हस्तान्तरण कैगिल कैलारी गाउँपालिकाके गरिवी निवारणका लागि लघु उद्यम विकास कार्यक्रमके प्रमुख प्रदिप चौधरी बटैलै ।