रोटरी क्लवसे कैलारी–३ के बाढ पीडितहुकन राहात वितरण

पहुरा समाचारदाता
हसुलिया, २९ भदौ । रोटरी क्लव धनगढीसे कैलारी गाउँपालिका वडा नम्बर ३ के बाढ पीडितहुकनके राहात वितरण करले बा ।

कैलारी गाउँपालिकाके समन्वयमे रोटरी क्लवसे वडा नम्बर ३ के बाढ पीडित ५० घरधुरीहे शनिच्चरके रोज राहत स्वरुप खाद्यन्न सामाग्री वितरण कैगिल हो ।

कैलारी गाउँपालिका वडा नम्बर ३ के वडा सदस्य किसुनलाल चौधरी, जितेन्द्र चौधरीके रोहवारसे क्लवसे बाढ पीडितहुकनहे राहात वितरण करल रहे ।

रोटरी क्लव धनगढीके अध्यक्ष डा. सुशिलकुमार भण्डारी, डाइरेक्टर भुवन भट्ट, सदस्य राजकुमार श्रेष्ठ, सुर्य बहादुर गुरुङ, विक्रम बहादुर सिंहलगायतके टोलीसे बाढपीडितहुकनहे राहात वितरण करल रहे ।