उपभोक्ता हकहित सुनिश्चितता कैना राष्ट्रिय स्वतन्त्र पार्टी माग
पहुरा समाचारदाता
धनगढी, १६ कुवाँर । पर्व लचक्याइल बेला उपभोक्ताहुक्रनहे टमान सेवासे बञ्चित कराइल कहटी राष्ट्रिय स्वतन्त्र पार्टी राष्ट्रिय स्वतन्त्र पार्टी माग जिल्ला समन्वय समिति, कैलाली, नेपालसे उपभोक्ताहुकनहे हकअधिकार सुनिश्चितता कैना माग करले बा ।
समितिके कैलाली जिल्ला सभापति महेशकुमार चौधरीके नेतृत्वमे बुधके रोज प्रमुख जिल्ला अधिकारी धर्मेन्द्रकु्मार मिश्रहे ध्यानाकर्षणपत्र बुझैटी उ माग करगैल हो ।
ध्यानाकर्षणपत्र नेपालीहुकनके चाडपर्व लग्गे हुइटी रहल बेला व्यवसायीसे दैनिक उपभोग्य सामानके अनावश्यक संचय कैना करल बजारमे कृतिम अभाव सृजना कैना, कालो बजारसे प्रसय पाइल भ्रमपूर्ण विज्ञापन करके उपभोक्तनहे झुक्यक्इना, मुल्य सुची स्पष्ट नैरख्न, चाडपर्वके मौका पारके चरम मुल्यवृद्दि कैना, विल विजक जारी नैरहल वस्तु तथा सेवाके ग्यारेण्टी वारेण्टी प्रत्याभुति नैकैना लगायतके व्यापक जनगुनासो प्राप्त हुई आइ ओरसे उहीहे रोकथाम ओ नियन्त्रण कैना ओर आवश्यक पहलके लाग अनुरोध कैगिल बा ।
गुणस्तरीय वस्तु तथा सेवा प्राप्त कैना उपभोक्ताके सवैधानिक हकके संरक्षण तथा सम्बद्र्धन कैना उपभोक्ताहे प्रचलित कानून बमोजिमके प्राप्त हकके प्रचलनके सुनिश्चिताके वस्तु तथा सेवाके सहज आपुर्ति तथा मुल्य परिणाम, शुद्धता गुणस्तर मापडण्डके सुनिश्चिता मानव स्वास्थ्यमे प्रत्यक्ष असर पर्ना अखाद्य तत्वके मिसावटके नियन्त्रण कैना आदी विषयमे राज्यके उपस्थिति आम उपभोक्ता तथा नागरिकसे महसुस करे नैपाइलप्रति राष्ट्रिय स्वतन्त्र पाटीके गम्भीर ध्यानाकर्षण हुइल जनागिल बा ।
व्यवसायीहे आंतकित नैबनाके समन्वयात्मक भुमिकामे उपभोक्ताके अधिकार ओ आपुर्ति व्यवस्थाहे सुनिश्चत कैना ओ प्रभावकारी कदम चल्ना माग करटी प्रजिअहे ध्यानाकर्षण करागैल जिल्ला सभापति चौधरी बटैलै ।
साथे छिमेकी मुलुक भारतमे काम करके कैलालीके टमान नाका (गौरीफण्टा, टीकुनिया, चन्दनचौकी) हुइटी प्रवाससे आइल नेपाली नागरिकहे भारतिय प्रहरीवलसे दुःख डेना ओ पैसा असुल्न करल ओ नेपालओरके सुरक्षा निकायसेफे यैसिन गतिविधि हुइटी आइल व्यापक जनगुनासोसे ध्यानाकर्षण हुइल राष्ट्रिय स्वतन्त्र पार्टी जनैले बा ।
