चैतन्यसे डसिया विशेष शुभकामना आदानप्रदान कार्यक्रम

पहुरा समाचारदाता
धनगढी १६ कुवाँर । धनगढीमे रहल चैतन्य पाठशालासे संचारकर्मीनसे डसिया डेवारी विशेष शुभकामना आदानप्रदान कार्यक्रम करले बा ।

बुधके रोज पाठशालासे संचारकर्मीनसे डसिया डेवारीके शुभकामना अदान प्रदान करल हो । कार्यक्रममे शुभकामना डेटी पाठशालाके अध्यक्ष गणेश प्रसाद जोशी पाठशालाके गतिविधिहे सहि, सत्य ओ निश्पक्ष रुपमे प्रसारण करके भारी सहयोग पुगाइल बटैलै । शिक्षासँगे प्रकृति ओ संस्कृतिके संरक्षणहे मुल नाराके साथ आघे बह्रल कहटी अइना दिनमे मिडियासे साथ सुझावसे आघे बह्रना मौका मिल्ना उहाँ बटैलै ।

बर्ष भर हम्रे सक्कु जाने अपन कार्यमे व्यस्त हुके भेटघाट कैना अवसर नैमिल्न ओरसे महान चाड पर्व विजया दशमीके पूर्व सन्ध्यामे पत्रकारहुकनसंग शुभकामना आदानप्रदान कार्यक्रम करल पाठशालाके प्रधानाध्यापक कटक बहादुर सिंह बटैलै ।
सक्कु मिडियाकर्मीसे सदैव पाठशाला परिवारहे मजबुत ओ समाजमुखी बनैनामे लागे पर्ना प्रधानाध्यापक सिंह बटैलै । पाठशालाके पिटिए अध्यक्ष ईश्वर गिरीलगायत सञ्चारकर्मी, शिक्षकहुकनकेफे उपस्थिति रहे ।