खैरो हेरोईनसहित २ जाने पक्राउ

पहुरा समाचारदाता
धनगढी, १७ कुवाँर । ३ ग्राम १२० मिलिग्राम लागु औषध (खैरो हेरोईन)सहित २ जाने पक्राउ परल बटै ।

ईलाका प्रहरी कार्यालय टिकापुरके अपराध अनुसन्धान शाखासे खटके गैल प्रहरी टोलीसे जिल्ला कैलाली टिकापुर नगरपालिका वडा नं. ०४ अस्नेरी स्थित सडक खण्डसे दुई जनहनहे पक्राउ करल जिल्ला प्रहरी कार्यालय कैलालीके प्रवक्ता कविन्द्र सिंह बोहरा बटैलै ।

कैलालीके टिकापुर नगरपालिका वडा नं. ०१ नयाँ बस्ती बैठना वर्ष २१ के धुर्व साउद ओ बर्ष २४ के देवराज साउद सत्तीसे टिकापुर अइटी रहल बेला ओइनहे पक्राउ करल हो ।

शंका लागके चेकजाँच करेबेर देवराज साउदके ठेनसे कुल शुद्ध तौल ३ ग्राम १२० मिलिग्राम लागु औषध (खैरो हेरोईन) सहिट पक्राउ करके ईलाका प्रहरी कार्यालय टिकापुरके हिरासतमे धारके थप अनुसन्धान कार्य हुइटी रहल बा ।