नवजीवनसे सम्पत्ति शुद्धीकरण निवारण सम्बन्धी तालिम

पहुरा समाचारदाता
धनगढी, २० कुँवार । धनगढीके नवजीवन सहकारी संस्थासे आपन कर्मचारीहे सम्पत्ति शुद्धीकरण निवारण सम्बन्धी तालिम डेले बा ।

सहकारी शिक्षा कोष परिचालन उपसमितिसे आयोजना करल तालिमके उद्घाटन तथा समापन अध्यक्ष बम करल रहिट । सम्पत्ति शुद्धीकरण निवारणके विषयमे संस्थाके भूमिका, सम्पत्ति शुद्धीकरण (मनी लाउन्डरिङ) निवारण ऐन, सम्पत्ति शुद्धीकरण निवारण नियमावली २०७३ रहल प्रावधान, विद्यमान ऐन तथा कानुनी संरचना तथा शंकास्पद ओ सीमा कारोबार विषयमे जानकारी डेना उद्देश्यसे तालिम सञ्चालन करल अध्यक्ष बम जानकारी डेलै ।

संस्थासे २०७६ सालसे गोएमएल प्रणालीमार्फत सम्पत्ति शुद्धीकरणके रिपोर्टिङ कैटी आइल समेत जानकारी डेलै । सम्पत्ति शुद्धीकरणके विषयमे संस्थामे कार्यरत सम्पूर्ण कर्मचारीहुक्रनहे जानकारी डेना उद्देश्यसे तालिमके आयोजना करल उहाँ बटैलै । ८४ जाने कर्मचारीनके सहभागिता रहल तालिममे अजय घिमिरे ओ प्रज्वल प्रधान सहजीकरण करल रहिट ।