भारतके प्रतिष्ठित उद्योगपति रतन टाटाके निधन
पहुरा |
२४ आश्विन २०८१, बिहीबार
काठमाडौं, २४ कुँवार । भारतके प्रसिद्ध उद्योगपति रतन टाटाके निधन हुइल बा । उहाँक ९ अक्टुबर २०२४ मे अर्थात् बुधके रात मुम्बईस्थित एक अस्पतालमे निधन हुइल हो ।
टाटा सन्सके अध्यक्ष एन. चन्द्रशेखरन टाटा समूहके ओरसे विज्ञप्ति जारी कैके रतन टाटाके निधन हुइल जानकारी डेले बटैं ।
उहाँक निधनमे भारतीय राष्ट्रपति, प्रधानमन्त्री लगायत शोक व्यक्त करले बटैं । राष्ट्रपति द्रौपदी मुर्मे एक्समे लिख्ले बटि– रतन टाटाके निधनसे भारत अइसिन आइकनहे गुमाइल जे पुँजी वृद्धिहे देशके निर्माणसँग ओ उत्कृष्टताहे नैतिकतासँग जोरल ।
अस्टेक प्रधानमन्त्री नरेन्द्र मोदी फेन रतन टाटाहे एक भिजिनरी बिजनेस लिडर ओ एक असाधारण व्यक्तिके रुपमे सम्झले बटैं ।
रतन टाटाके जन्म २८ डिसेम्बर १९३७ मे हुइल रहे । उहाँहे भारत सरकार प्रतिष्ठित पद्म विभूषणसे सम्मानसमेत करले रहे ।
