पटेलामे आजसे खुल्ला फुटवल प्रतियोगिता हुइना
पहुरा समाचारदाता
धनगढी, २ कार्तिक । धनगढी उपमहानगरपालिका वडा नम्बर ७ पटेलामे आजसे प्रथम पटेला पुरुष तथा महिला क्लव स्तरीय आमन्त्रित खुल्ला फुटवल प्रतियोगिता हुइना बा ।
शुभ डेवारीके अवसर पारके पटेला स्मार्ट क्लवके आयोजनामे प्रथम पटेला पुरुष तथा महिला क्लव स्तरीय आमन्त्रित खुल्ला फुटवल प्रतियोगिता हुई लागल हो ।
उ प्रतियोगिताके पुरुष ओरके विजेता टिम ६० हजार उपविजेता ३० हजार ओ सान्त्वाना पुरस्कार (सेमाीफाइनल पुग्ना टिम) १० हजारके व्यवस्था कैगिल आयोजना जनैले बा ।
ओस्टेक करके महिला टिम ओर विजेताहे २५ हजार ओ उप विजेताहे १५ हजार नगद पुस्कारके व्यवस्था कैगिल जनागिल बा ।
स्पोन्सर सन्जिवनी अस्पताल प्रालिसे जर्सी हस्तान्तरण
शुभ डेवारीके अवसर पारके पटेला स्मार्ट क्लवके आयोजनामे प्रथम पटेला पुरुष तथा महिला क्लव स्तरीय आमन्त्रित खुल्ला फुटवल प्रतियोगिताके लाग स्पोन्सर सन्जिवनी अस्पताल प्रालि धनगढीसे विफेक रोज जर्सी हस्तान्तरण करले बा ।
अस्पतालके जनरल सर्जन डा. शंकर अधिकारी ओ डा. मोहन नाथसे क्लवके अध्यक्ष अनन्त चौधरीहे जर्सी हस्तान्तरण करले रहिट ।
